這是上黑暗e時代

這是上黑暗e時代。

官員貪污毋免關，貪污吃錢講失禮就會使，林益世，賴素如這些人。這是啥公平正義？

龍應台做一e文化部長煞對拆普安堂，袂心痛，無做為。過去伊寫『野火』這本書時e氣魄走去佗？早攏燒甲和灰無通賰。李鴻源對清境e態度啥那甲過去無仝？對台灣文化無愛惜，土地無照顧。兩位一個是文化部部長，一個是內部部長。該拆不去拆，該留不去留。為什麼？利益啊？看大埔案件，法院判勝訴，為啥劉政鴻免下台，閣免起厝還人？

有什麼會凍向望這個政府？

文化甲土地是台灣人民上重要e資產。無這兩項就無法使人民對國家意識生根。就像禁台語甲戒嚴相仝。慢慢消磨你對這e國家社會e存在感。其實這攏是上位e人怹心裡想e。雖然目前表面看起來是民主自由，事實上不是按呢！

柯文哲醫師是二二八事件e後代，他有感念過去政府e壓制，所以提出改變按首都台北開始，改變文化。這是足好e想法。

看看連家公子，到底憑什麼民調會比柯醫師較懸？憑什麼會凍做悠遊卡公司董事長？伊老爹連戰閣佇大陸做呷濟生意，房地產，心有佇台灣？對最近大大小小e民運團體e行動，伊有出來走蹤過嗎？有什麼評論？馬英九講伊ma繼續起核四電廠，連公子伊是讚成抑是不同意？

干講台北市民放心甲票蓋予伊？頭殼好好想一擺，到底是啥物款e人適合作台北市e大家長，改變咱首都e文化，莫予台灣空轉。若無，台灣過二三冬後，到時ma救就困難了。