2014年11月26日 星期三

賴清德,請支持母語教育

<<賴清德,請支持母語教育>>

政治人物操作族群問題是第一擺--ah1129日後未來是ē-sái改變,本土意識是ē-sái來 提懸(kuân),ài靠逐家ê智慧。

tsiah,先mài講族群,來講語言保存問題。前一陣『巨蛋』號名問題,koh有台語文教課必修變選修問題tse lóng是對語言一種傷害 ()過去親像國民黨thún-踏台灣語(台語,客語,原住民語各族語言)學校內講tō ài  罰錢,禁止台語,連歌,布袋戲lóng ài改講北京語。現準來觀察,有guā濟人會hiáng kap 厝內序大講輾轉(liàn-tńg) ê母語? Hāmtō buē 曉是beh án-tsuánn保存文化,做傳承?-,只是膨風水雞刣無肉(Phòng-hong tsuí-ke thâi bô bah. )

ê政府是ài做文化,母語教學ê火車頭,濟濟仝款ê文化才會當激出koh kah suí ê文藝創造,提昇lán lâng本身文化素質。可惜政府suah來直直來逼壓,家己母語是台語ê政治人員,推sak無力,koh講彼-lo 烏魯木齊ê理論,親像講母語是一種可恥,需要浪費時間學--ê

潘維剛講台灣話會傷害民族情感,是傷著siánn lâng ê情感?Tseput過是漸統化獨思想niā-niā,對待台灣話是下等語言,台灣lâng是被殖民ê下等lâng。可惜六七十年洗腦,iu-guân 覺醒。家己土地文化,歷史lú buē講-tit,四界lóng是有中國毒素ê敗害。

雖罔政治人物對待語言án-neput-jî-kò到選舉就開始講台語kah客語,講i是台灣人。選後,親像糞埽(pùn-sò)仝款擲(tàn)去邊--á,尤其是彼款目頭懸(kuân)ê『高級外省人』。悲哀-- la, Tsit 時台灣lâng才成是主lângput過是目睭濁濁(lô-lô)看buē清,頭殼鈍鈍想buē明,gōng-gōng- khám-khám做lâng ê傀儡尪仔(ka-lé ang-á)。

Koh再討論國民黨過去ê罪孽koh有現準時ê政策,tse已經是有喙tshoh khah bô (nuā)。除非國民黨全全hōo i崩盤,, 台灣語言發展早已經是欲死但唉 (beh-sí-tōng-hāinn)

Hōosiōng艱苦傷心ê是台南市市長賴清德舊年講2014年推動英文是第二官方語言。前幾日21koh再講behsak英語,而且十年內會完成,hōo新一代市民ē-tàng用英文交流。 這m̄ kah刣死母語ê兇手意思仝款?我是反對講英語來實現國際化。問題是賴清德根本是頭尾掠倒吊,kám講賴神buē記家己母語是台語,選舉huah khah大細聲kah民眾跋(pua̍h)感情時講ê話是台語,講sánn-mih釘根生根府城等等。別人欺負咱夠,你賴神 beh來參一kha才有夠khuì

過去中國黨政府利用官方ê威權去壓迫母親ê語言,tann換你?你有才調本事做到tsit ê位,suah雄雄buē-kì-tit家己叫sánn?有才調推sak英文,法度來為台語教育讚聲?這是天地倒反(tò-píng)?規氣你現準開始全部lóng講英文,以身做則。-tse只是kah國民黨政府仝款謀殺台灣文化,本土ê認同。

用家己ê母語建構出家己ê生活,才是生活。用家己ê母語建構家己ê價值,才是價值。母語是 siōng堅定ê武器,致使hōo lán家己成就有尊嚴有自信ê民族。
Tann tō buē(khiā)穩,就siáu beh行出國際,這kah國民黨直直講拚經濟有siánn差別?ia̍h是看家己看家己,見笑?

賴市長連任機會 tsiânn(kuân),請相挺家己母親ê語言。台南是台語文推sak運動上興ê所在。假使賴神緊,i喙直講台文,tse變成一ê笑話而已。
台語可能有一工會完完全全來消滅,put過賴清德市長推sak英文,suah bôsak台文ê歷史痕跡會永遠留hōolâng憢疑(giâu-gî) i ê正確性,ia̍h是錯誤。

註:

2014年11月23日 星期日

台語工具冊:華語揣台語


<<台語工具冊:華語揣台語>>
Góa是自細漢講母語--ah舊年底開始來寫台語詩,一開始有影是烏白寫。想起siáⁿ tōsiá,無禁無忌,Siōng重要ê是走揣台文ê記憶,母語ê芳。Góa m̄是欲來討論如何寫一首詩,現準góa iá bô夠格。Góabeh初學者ê角度來分享兼紹介工具。

Góa ê作法是管你beh寫詩,散文,先beh寫意境寫落來。有寡字揣台語,揣台語正字等等。Lóng先想辨法記落來,put管用華語,英語,羅馬字lóng好,siōng重要êmài hōê思考斷斷去。一旦斷去,beh揣轉來,有當時是可能ài “kà早睏有眠,看有法度koh再想起。

基礎穩固拍在,事事項項照步來,十年功夫袂凊彩,出國比賽等出師。這四句聯送 hō͘ ta̍k-ke來參考,lán道理免傷講,ta̍k-ke知知--lah

不而過--ahsiáⁿ是基礎?Góa撿兩點來講,基礎就是你使用ê用字正確性,言詞ê變化運用。

用字正確性可能有寡學派性深度ê討論,一般來講,是建議初學者用台語信望愛白話字台語文網站閣教育部線頂ê字典來學習。將進前m̄ bat ê字拍入華文是羅馬字就ē-sái查出台文ê寫法講法。一開始一篇文章可能愛開足濟時間,不過這是一定àiê路。教育部建議ê 700字是chiâⁿ ê開始。Sūn-sòa學羅馬字,當然--la,本人是建議寫教會版羅馬字。內底差別,lántī chia討論。

 

言詞ê變化就難查--lobeh查對應ê言詞,chia̍p-chia̍p kan-na揣著一個答案,甚至是無。佳哉--la,台語文前輩白聆老師拍拚十二冬出一本冊。所以今á日最後就是beh紹介chit本工具冊<<華語揣台語>>Chit本冊內底有七千ê華語言詞,對應ê台語詞soah有一萬八千êche m̄是代表台語變化奇巧,kà súi有文學發展。Chit本冊m̄-bián一擺讀hō͘完,就算你讀了,是加了工。是有m̄ bat ê詞才來揣,有用才會有印象,後擺ē-sài來活用。Án- nībeh寫詩,散文內底ê言詞變化致使文學性提懸,讀者讀起來mābōe感覺無鹹無纖(bô-kiâm-bô-siam )白汫(chiáⁿ)無味。


2014/11/23

2014年11月21日 星期五

爭取台灣語文教育權tī 11/29日


圖片來源:民報

前排右起楊承翰(鳳山)、劉哲宇(旗鼓鹽)、黃若桓(左楠)、陳信諭。後右起蔣偉文、張復聚等十大本土社團(記者陳俊廷攝)


<<爭取台灣語文教育權tī 11/29>>
進前民報有用台羅字寫一篇<<台語文ê消滅>>,講起來是悲哀--lah
除了民報,因為讀者數量ê關係,我相信目前四大報是可能,mā m̄願意來發實體文稿。tsia,感謝民報ê相挺,替台語文來tsàn聲。

昨日,一寡南部本土社團大聲放送11/29日將票投hōo支持台灣語教育ê候選人。是--lah,無挺inbehsiánn lâng?彼leh馬英九siōng ài食台語ê 豆腐,平時sakkoh直直利用政權力量來逼壓。致使主人家己ê聲,huah出來,若huah出來顛倒ē歹勢,ē感覺見笑?!這bô tio̍h是中國黨in一貫ê作法。消滅其它文化kah歷史,保障in ê聲勢,建立殖民者至高無上ê威權。有影,欲選舉時落兩三句台語,客語,跋(pua̍h)一下仔感情,suahkah不三不四,顛顛倒倒。馬到(kàu--ah“講成馬倒(--ah“,笑死了人下頦(ē-hâi)。袂曉講,是伊m̄ tio̍h,是伊主人霸權ê 心態。今仔日,我hiah-ní高貴,雖bóng behgiúkahtsia下等lâng講話,mā ài參兩三句--ah。真正是頇顢(han-bānkoh興喋(thih)。

轉來看現準政府機關,有原住民委員會,客家委員會,siánn-ná bô台語委員會?tsia ê 委員會lóng ē-sài辦理相關母語認證,suah台語認證ài靠教育部。教育部ê態度是koh如何?前教育部長蔣偉寧講好beh講本土語言khǹg入國中必修課程,suah下一任吳思華做部長,天地倒反,必修變選修。

教咱序小母語是天公地道ê代誌,現準政府連必選一節課攏behkoh刣價,這是侵門踏戶,sánn?北京語一禮拜上六至七節課,這kám ē siunnhàm-kóoKoh有潘維剛即款lângài統一文字語言,國家才會來發展。tsit款殖民者霸權思想操作,tī 2014年原在,台灣人iáu-guân hōo lâng壓迫,看輕,講台語是水準--ētō ài hōo外來者洗腦管制,這是悲哀,sánn

到底siánn是這片土地ê主人?管你是講台語,講客話,排灣,布農,阿美,魯凱族,撒奇萊族語等等,lín tsia  ê 人比hia大聲beh用北京語thún-ta̍h強暴ê人,kám m̄siōng有資格講你是主人?用家己ê母語建構出家己ê生活,才是生活。用家己ê母語建構家己ê價值,才是價值。

Buē 來失志ê 是佇支持台灣教育ê候選人內底,有寡比我koh kah少年ê一輩,實在是使人感動。Bat tī高雄參加過基進側翼幾擺活動,in全場lóng盡量用台語來發表政見,雖bóng有當時會來摻幾句仔北京話,m̄ koh這是tsiok bô簡單ê代誌。看目前政治台仔頂,有幾仔人ē-tàng用一點鐘ê時間,全程用母語演講?一隻手算算完--ah無本身來做起,欲推sak是如何進一步--leh?講母語,這是siōng ē-tàng感動人ê心肝,siōng suí ê聲音。少年出頭有較茈(tsínn),精神喟力感動天。講世代交替,iáu是轉型ê正義lông好,希望有in少年仔出頭替咱台灣koh再來釘根。11/29日將一票tǹg hōo支持台灣教育,愛台灣本土文化ê人。