2015年9月16日 星期三

寫”民報論壇”感想

<<民報論壇感想>>

Ui 舊年2014底開始佇民報論壇寫評論,其中有欲超過十篇是用台語寫e,這是ka-ti 生命e kha跡。雖bong,可能袂影響tioh goa濟人,但是文章e生命 的確 khah 長。用khahe標準來看,hoan-se hia e 文章koh無法度算是評論。總--是,人無想hiah濟,對任何不公不義e代誌,寫幾字贊聲是合該然。Na是時間允準,咱to 來做。是lah,有時我有giau-gi過寫這欲創啥?時間成本kam有值?這我無答案。咱to 來當作是kati人生e工課,替ka-ti 來修行。

che 主要有幾e 目地,第一:予koh-khah濟人了解政治議題kap現況,當然ai看有台語e人,ia者是有興趣e人才會來看。算是咱欲創造 1 e無仝koh 少人看e閱讀文本,內底的確有khng 寡我e意念kap想法。永過,咱台語攏是teh寫詩,寫散文,寫文學評論,寫小說,khah少寫生活,政治事項。怪奇e是,選ki e時,thang long leh 用台語poah感情,有影當作台語是草紙仝款,用了to tàn-hiat-ka̍k第二:表達ka-ti e想法,磨筆,文字化予ka-ti e 思路koh-khah 明,用筆尖tu破這aue政治烏布,這才是現代台灣需要eMa是欲tiam靜革命,文字革命,網路革命e力量。通人long出來hoah聲,au政府袂倒?騙siau--e?第三:是hoo台文koh-khah見光,了解台語應該攏會使佇逐種議題來hoah聲,anni台語才有法度救,傳落去。需要有看e人,需要有寫e人,需要有分張e人。

網路應該是振救台語文siong重要e 一步棋,未來資訊欲oa靠紙本,是死路,咱欲死thong hainn e 台語愈免講。Soo-pai,咱真看重有民報電子論壇chit e平台,naka咱刊e時,咱嘛真掛意。捌寫批去ka講,m-koh,人無ai ka 咱回應。當然Facebookma 1 項重要e 媒體工具。予咱歡喜e是,有人真認真ka咱來讀,koh捌有無sek-sai e朋友回覆指教,koh有陳豐惠姐佇教師研習營,教『當代e台語傳播』時,有提出來討論,這是咱向前行e力頭。有人讀咱e物件,表示咱袂毋是孤單e

一開始提筆寫七字仔是欲練台文,聲韻,寫詩是欲寫歷史,寫日記是khioh gin-a e記持,寫論壇是為欲戰鬥母語e權力。koh有是展現母語會使用佇濟濟無仝e所在,母語欲活落去,應該是ui身軀邊e日常事項來講起,記錄。欲講文學性chit點,咱可能功夫koh無到。

領嘉義文學獎e時,咱著獎發言,捌講過欲繼續寫,甚至寫散文kah小說來展現台語e sui kap 文學。咱chit 2冬,有讀chiah濟台文chheh,內底khah濟是詩,散文kap評論。定定感覺台文一定陷佇悲情歷史,古早生活e 空間,毋是真chiah自由,ahma是事實。咱to 寫寡無仝e物件才是。Tam-poh-a寫作e感想記錄,留予後日chiah koh 來比較chit路行來e景緻有siann無仝,是講,咱to ai堅持。

2015/9/16
2015/9/17


2015年9月14日 星期一

黃健庭繼承宋省長:母語殺手



<<黃健庭繼承宋省長:母語殺手>>

國民黨殖民洗腦教育,自以前kàu chìn iáu-goân 無斷過,而且是愈來愈大膽。咱台灣人有覺醒 ê mā是少數,少年á可能比例khah濟,總--是,伊濟濟數已經袂曉講ka-tī ê母語ah。講這ē-sái去了解國民黨霸權án-chóaⁿ禁母語,剝削母語ê教育權。現今koh m̄知悔改,軟塗深掘,kan-taⁿ選舉時chiahlàu 2-3句,欺騙社會,國民黨有影是看台灣人無目地,欲壓咱一世人做伊ê奴才。

筆者佇民報寫chiâⁿ濟有關政治人物對台語(母語)教育的感想kap看法,寫好寫bái lóng是為tio̍h tháuhoah聲,無,欲死ê時無人知,心情put-lih-á沉重。知會有gōa濟人看見,koh會出來tàu贊聲。人數是1 ê指標;語言ê歲壽。


這款縣長有影是國家ê敗害,捌字koh無衛生。第一:目前ê教育有需要改進ê所在,m̄ tō去改善soah顛倒牽拖。第二:目前ê母語教育是長期國民黨霸權ê關係,ka-tī soah袂歹勢,koh再剝削原住民母語教育,這是siáⁿ-mi̍h道理?Koh sak hō͘ 家長?有影無做1 ê縣長ê格。第三:除了殖民政權,無人願意放sak ka-tī ê 母語去學別人ê語言,而且目前本土語言課程kap英語,甚至kap中文根本無teh比,佗位來ê資源相搶,實在得tio̍h國民黨真傳,白賊kap烏西(按:判刑6個月)。第四:濟濟研究指出學好ka-tī ê母語對學第二外語並無衝突,甚至有幫贊。黃縣長kám有請教語言學者?是趁機會欲施展壓力hō͘ hia ê 校長mài 放資源hō͘ 本土語言教育。語言平等權已經是新ê訴求,國外已經濟濟有立法去保存,咱政府官員soah 當作伊pùn-sò

Koh 再看黃健庭2013年佇1 kái 活動所講ê話,『台東縣是一個多元文化族群的地方,在全縣不到23萬人,就包括閩南、客家、7個原住民族群、外省及新住民,擁有多元的族群,可以說是台東的特色與驕傲,也是族群融合展現最佳的縣市,語言是文化的根,尤其根據專家學者的調查,全世界語言每年約以5%的比例在流失,因此,我們必須要尊重、欣賞別人的文化,並更加重視自己語言及文化的傳承。』 這的確是政客雙面手法,taⁿsiáuáthǹg tiàu,現出原形niâ。無,tō kín khì khòaⁿ i-seⁿ

馬英九,郝龍斌,洪秀柱,宋楚瑜kap朱立倫佗1位,選舉時無講台語?Poa̍h感情騙選票是政客熟手ê招數。其中洪秀柱佇2009koh thâi台語認證預算,現準伊koh leh講台語ahphóng屎抹面無知臭,為tio̍h權力kap利益,認人做pē mā 會做tit。這種政策手法來看,hein有策略性欲長期洗腦,taⁿ,已經kàu最後1里路niâ。是講,lán ka-tī kám有知覺母語ê重要性?願意加講母語,學習母語寫作?無,lónghoah心酸,koh1篇遺書。

筆者有寫過一篇文章<語言平等法才是轉型正義第一步>,親像國內無chit款法,是欲án-chóaⁿ保護咱ê文化kap財產?國民黨霸佔咱ê土地成做in ê黨產,這in koh無滿足!看身邊ê朋友講母語ê人實在有少,會曉寫--ê 欲無幾ê。國民黨早tio̍h算好好ah,無母語,無民族意識,án-ne,任何人袂koh質疑in 非法佔領,統治,袂koh giâu-gî過去二二八事件,白色恐怖等等慘忍手段。因為講hia 『本土語言』是粗俗,sông,下賤 ê象徵。對土地 ê 感情薄, ka-tī tō 是主人。Hām講話無公平正義,其它ê權力 koh 愈免講。

民報:中國sông


2015年9月13日 星期日

空白e紙

<<空白e>>

毋是刁工thun-tah伊純情e軀體
11字溫柔chhiah入去幼白e面皮
聽講古早原住民e風俗
彼是1 e gin-a成做大人e 證明

若是會使我嘛想欲寫佇khong e
寫予眾人看
He 是一片闊bóng-bóng e圖紙
可惜我pehhiah

若是會使我嘛想欲寫佇透光e
寫予眾人看
He 是一片厚tut-tut e圖紙
可惜我siûhiah

干焦11張寫
深深刻
按呢總有一工
寫予你e
你會看見
看見我大人e證明


2015/9/14

咱就愛做家己

<<咱就愛做家己>>

啥若大樓直直起,到底是發生啥物代誌
阮細漢的記持攏總走無去
阿,彼囉水牛佮白翎絲走去佗位bih
日頭親像佮我咧相辭
無,怎樣逐工攏是烏陰天

政府徵收講欲予咱一筆錢
無欲答應閣袂使得
若是反抗,怪手直接駛來挖地基
用命共拚伊毋插你活抑死
目睭發火攏是錢,啥物(mih)人生道義
彼攏是伊選舉時喙瀾水

雖罔政府橫霸若精牲
四跤落地就欲共人欺
定是咱傷軟食才會按呢生
一時奢颺(tshia-iann),彼攏真虛微
啊,咱想做家己
共土地傳予囝兒一世紀
閣再百百年

認真拍拚莫失志
正義到尾會出頭天
毋通靠勢就來無細膩
出賣家己,爸母的記憶

阿咱就愛做家己
共土地傳予囝兒一世紀
閣再百百年


2015/9/13

2015年9月10日 星期四

時間控制

通人一日kanta 24 小時,有koa”成功人士longchheh koh 有演講講伊是an-chhoann成功,an chhoann利用時間。利用時間確實是一門學問,有e人是講kah 一日袂輸睏無34 點鐘,he不是正常人過e生活。尾a,身體出問題e時,koh 再出chheh講伊是an-chhoann對抗癌症,he 的確是精神錯亂。讀chheh e人有時陷佇hit_lo 人講e絕招撇步,soah 無看見人是an-chhoa行出---e,有時人是開偌濟時間,偌濟錯誤改正kohgiam-nge e自我管理,紀律discipline。咱有讀過幾a chheh leh che。嘛實驗過,成功是有撇步e。當然,方向ai確定清楚,選擇hoo好,放感情,無顧一切e堅持。是講,濟濟noa_thau,現實因素,尾a,習慣總是會斷去。若講咱無成功人士e範,有影是無志氣。Ai 講每1 e long有伊家己e選擇kap生活,koh再為ka-ti解脫。an-ne,講人活了khah開活,毋知有影無?

欲結婚ah,時間e分配用想—e,有影會驚。咱毋是好額人,ai 工作,逐工搬家kau 高雄上班。一透早to出門,佳哉會當準時下班,不過,暗時到厝ma 七點ah。搬車時,有利用時間讀chheh 想寡寫作e 素材。Che 算算leh,一工嘛欲11點鐘過ah,若加一工睏眠6點鐘,koh chhun 7 點鐘。Che 七點鐘,ai 完成kah 厝內相處時間,粗算2 點鐘,hoo家己e時間4點鐘,內底有讀寫時間3點鐘,kap體能訓練1 點鐘,koh有其它li-li-khok-khok—e。講an-ne,毋是kai完整,咱野外e活動,peh山,koh無算入去。序大人身體無講kai 好,khahu想嘛知以後che 會食力,嘛是咱無法度閃避e。佇傳統社會,序大人e健康咱定著ai開時間kah伊照顧。人定講序大人身體勇健,是囝兒e幸福,koh免講去未來醫療健保資源e問題,che 算是hoo咱做1 e 啟示ai 顧好咱ka-ti e身體。

做電子業欲八,九冬,嘛知覺未來經濟無siann樂觀,欲拚死拚活趁大錢是愈來愈少,嘛袂合現代e經濟模式。定講ai chhoe 出路,總是,毋hia簡單,欠才情,無方向long是重要因素。目前會使過活,買厝chhoa某是祖公媽有保pi,運氣好。 Ah 若是以後,誠害,咱koh leh思考方向。有向望會使做1份咱真心感覺有價值無iaue工課,事業。講bong講,有影難,嘛是咱無才調,iah是年歲有ah,毋敢衝。咱ai檢討。

2chheh,咱有深記在心。一本是『斷,捨,離』,翻台語應該叫,放sak,斷根斷心,離緣。咱佇日常生活定定有chit e例。Hit 時看了chit chheh,毋知hiat 掉偌濟mih-KIANN。省--e,毋是kanta空間niakoh有心靈上解脫是無塊講e。“有限“ chit種想法,咱khahkhng心內,siann-MIH先做,後來做,甚至是放予去,咱to aihoo清楚。另1本是『下班後e八點鐘(無確定)』,che 咱有記佇心內,不過,堅持是上大e問題。是講,未來結婚了後,koh毋知會an-chhoann演變。

che,可能嘛是咱人可能毋是欲追求成功” e名,是欲hoo 家已對家己e未來,一生有khahe交代。算是檢討,ma是提進前做準備未來e事工。 2015/9/11