2018年2月7日 星期三

了解khiā家有可能ê災害



國家災害防救科技中心,勸朋友了解一下家己ê khiā家。Nā欲soān mā khah知toh位thang soān。

地震,風颱淹水che lóng是自然災害。欲tòa toh khah安全,siōng無ē-tàng了解一下。

是講,chhan-chhiūⁿ 核災chit款ê,空氣污染chit款ê,除了khah有法度ê人,是欲走去toh?

Nā 欲看空氣污染,其實環境資源資料庫mā有資料。Che thang看出資料公開透明ê好處,koh有個人處理數字ê重要 ,che mā是未來愛有ê法度,mā thang 講處理資料,chhiau-chhōe資料,分析數字ê法度。

咱想tio̍h一齣美國片「魔球」 (moneyball),che 資料是代表科學,統計出來ê,有一定ê干證,mā tio̍h講咱欲án-chóaⁿ改善家己ê生活,調整方向,甚至是規劃,趁錢…咱絕對bōe-tàng 用he「差不多」ê心理來看待,無,gōng-gōng-á做是等死niâ。



Koh看tńg來,mā奉勸少年朋友買厝ê時,先查--chi̍t-ē,選點khah重要,目chiu peh khah金leh。 (tbd)



查斷層,土地液化kap瘋狗浪危險範圍。

咱算是安全範圍ê所在。不而過,事事難料。


以3、5、8、16 khih-lo͘h半徑做圓。311ê時,美國是用80 khih-lo͘h來看,咱台灣人命khah bái。

5冬前tòa ê所在。 Mā tī斷層附近。

基本災害地圖,可惜無空氣污染。可能in無認為這是國家級ê。




2018年1月24日 星期三

咱看母語認證 VS 火星文



咱 看母語教育ê進展,2009年mā是 1个大進展。有2个原因第一就是信望愛輸人法 (看另一篇),到2016 kha-tau手機輸入法上市,台語ê書面語佇mā會佇手機á phah出來 (p-ph-b注音漢字無算),至少筆者身軀朋友加誠濟人使用。當然,有寡較資深ê,khah對手機á無法ê,目色khah無好ê tō khah phah-sńg;第二就是母語認證。母語認證mā 是行kah khám-khiat。總--是,che對現此時網路科技環境á好、交通ê手路、現實教育制度需求攏有真正面ê發展。Chit 2項,台語人lóng是óa靠家己khah濟。

真悲情。

最近有人leh論「火星文」,咱過去mā捌拄過誠濟ê批評指教。總講一句,不管你寫siáⁿ,漢字、羅馬字、漢羅lóng有人會批。當然,che一定要經過「學習」、「教育」。母語學習kap母語教育應該是政府愛hō͘咱--ê,去cheⁿ講咱人無去「學習」,「教育」可能會有反效果。Siáng有義務kap咱仝款「覺醒」?Che是現實問題。好--ah,咱無好討論koh-khah濟。

咱食著施大博士ê chhùi-nōa,重翻伊ê年表koh重新si-á-ge̍h kap增補。興趣,心適lia̍h外,mā想欲chhōe未來ê se̍k-sū tê-bo̍k,咱有重新看台語運動者kap台語文學者ê無仝,定位。


Koh講到「火星文」,咱tiāⁿ-tiāⁿ講書寫民主化,可惜少人聽,mā可能聽無咱leh講siáⁿ-siâu。

歷史年表giú--出來-,咱鐵口直斷che根本m̄是大問題。當然,nā看chit幾年台語出版冊,用字無影有「標準化」,總--是,進步chhiâⁿ濟ah。咱iû-goân真鼓舞作者出冊,出一本咱買一本。是講,咱mā m̄-thang siàu-siūⁿ in會改。

輸入法kap母語認證tō是行入去書寫民主化,吸引koh-khah濟人加入chit ê kho͘-á。Ùi chia運動ê成績chiah thang koh進一步 kā chia 「 chéng-chí」 iā做 tī文學ê 花園seⁿ-thòaⁿ。

咱thang ǹg-bāng台語電視台有法度使用標準化ê台語字幕,án-ne書寫教育tiāⁿ-tio̍h koh進一步。

其它leh吵--ê,等待時間改變。Hô-hòng,袂去學習--ê,袂因為你罵一句,伊tō會去學。Án-ne,伊欲án-chóaⁿ對過去ê老師交代--leh。XD

Nā受氣,無,規氣亂舞中文,koh無,好好á寫寡台語文。Án-ne khah袂浪費性命。


http://tgbhsuliau.nmtl.gov.tw/opencms/library/intro/




2018年1月16日 星期二

《新荷蘭學-荷蘭幸福強大的16個理由》心得



Chin-chêng有讀過比工作更重要的事! : 荷蘭人快樂至上的生活哲學
 
chit本冊,內底主要是leh講欲án-chóa荷蘭生活,荷蘭人ê生活(工作)態度koh是生做siáⁿ款。

Ā chit púnkoh-khah專業,lóng是台灣學生寫--ê,ùi荷蘭ê本土文化來寫、博物館、水文地理、政策、移民政策、同性議題、藝術、建築、食食、語言教育、福利制度、農業、跤踏車文化等等。根本kā荷蘭人講kah真徹底。

Ùi chiamā對荷蘭人有koh-khah深ê認捌kap him-siānMā thang反省家己佇台灣,敢有對土地有hiah深ê認捌kap疼痛?咱mā知影in ê優點是經過chiâⁿ長年粒積--落來ê。

對照荷蘭,台灣佇人口kap土地有影是欲仝ā欲仝,拄著ê問題恐驚比荷蘭人khah濟,78%是高山,伊是1/5佇海平面ē-kha,咱人m̄-nā濟koh chiâⁿ濟族群,koh有國民黨長期ê殖民洗腦。Ùi in án-chóaⁿ對待海洋ê態度,咱做1个島國敢無thang學習?Án-chóaⁿ面對78% ê高山?

咱欲án-chóaⁿ增加對chit ê土地良善ê「共識」,共同參與,m̄-thang koh隨人顧生命佇邊緣kho͘-se̍h生存,ùi問題中心去解決。追求實際解決問題ê方法,ta̍ksiàu-siūⁿ一寡有ê無ê「小確幸」,自我感覺爽快。

Chia 2本冊非常推薦朋友去讀---下。後一本欲讀ê是《荷蘭不虎爛》。


2018年1月9日 星期二

《教育經濟學》讀冊心得



http://www.books.com.tw/products/0010716334

教育經濟學

愛用數字來說服別人、家己。數字說服才thang認清家己看袂著ê所在。Che是重點,家己ê經驗bē-tàng lóng the̍h來用,尤其是教育。

用功讀書kám對成績,人生真正有路用?有因果關係?啥物才是好教師?

利用科學實證(evidanceê教導方法來獎勵gín-á學習是khah有效率ê方法;Koh有任何代誌lóng應該用科學實證來看待,才免得行冤枉路。

幼兒教育投資報酬率siōng koân。「非認知能力」忍耐力,意志力(Grit)、社會性、熱情ê特質是智商kap學歷看袂出來êChegín-á ê一生有真大ê影響,che厝內ê教養佔khah濟。

意志力(Grit):面對非常遙遠ê目標時,袂失去興趣,繼續骨力phah-piàⁿ ê特質。詳細ê計劃,透過記錄來自我管理達成率,一步一步訓練家己ê心理kap生理。


資訊公開是教改ê第一步。不而過,敢有過去ê資料儉--起-來?對照台灣濟濟資訊,咱公開mā kan-taⁿ chit幾年開始,應該對未來有chhiâⁿ大ê改變才tio̍h

台語輸入法ê觀察




咱看che,thang 理解幾件代誌kap思考,ē-kha問題毋是大問題,soah是咱毋願去想ê mê-kak。

台語無字?Nā有人koh án-ne講實在無衛生兼無用google。

台語因為電腦kap手機輸入法,避免行去滅絕ê路線?
咱thang行向書寫民主化ê路,koh-khah全面,khah濟管道?
親像 seamless kō͘台語來溝通(phah字)。少年人是毋是khah會接收?使用語言袂縛kha縛手。

除了無正規教育,咱敢bē-tàng自修?
愈來愈利便ê工具,佇書寫人數,出版,對讀者ê閱讀敢有khah大ê進展,che tiāⁿ-tio̍h對作者、出版社kap讀者3方有正面ê pang-chān。

文字電子化對語料koh是另外一大貢獻,che mā是另外一个思考。
2009以後ê網路資料是毋是有誠大ê變化,出版是毋是有增加誠濟?
2009以前ê 台語冊排版是毋是相對上khah歹看?
排版ê技術,軟體進展是毋是ē-tàng減少一寡人個人美觀ê歧視?

ùi chia輸入法來看,工具性來論,羅馬字kap漢字ê好處咱敢願意去承認?

以寫作人口kap年歲來看,in敢有tòe tio̍h時代?用字kap書寫軟體是有關連?Che m̄-nā欲探討用字工具性,koh是個人文化性ê態度(排斥接受新ê工具來改善目前ê困境)。

咱講工具性是現tú現--ê,總--是,有時工具性因為無愛去學習soah tài「意識」來認知LÔ-MÁ-JĪ是學生gín-á ê mi̍h,漢字才是字ê論述。總講一句,驕傲kap lān-moa。


未來,nā是有google直接對譯、口譯,che台語tiāⁿ-tio̍h死袂去? 咱語言學者毋知會活hiah久袂?XD





2018年1月7日 星期日

窮忙--讀冊心得。



Chit本冊是敘述小說來說明散赤人ê困境。好額散,資源少,失家庭教育,一大堆副作用,生出來ê gín-á mā進入去仝款ê輪迴,koh-khah慘ê是有健康ê問題。

月給濟少是目前散赤人siōng大ê問題,引起工作時數chhèng koân。

政府ê補助、企業利純之間ê關係che éng-éng lóng是siōng社會siōng低層ê人會受著khah大ê變動。

Che佇另外一本冊《貧困世代》有仝款ê論述。

Chia ê人可能lóng án-chóaⁿ骨力lóng無路用,憤怒kan-taⁿ是1種討債ê行為。

Hia 上暗班ê人khah少ê機會thang升職。

欲脫離散赤,家己愛先學會曉控制情緒kap雙手,che tō人講ê softskill

有ê散赤人因為有「文化資本」kap親情,落尾mā ē-tàng脫離散赤,che是一般in 少看著--ê。

Che thang ùi內底講一寡gín-á ê教養有chiâⁿ大ê關係。陪伴in 教in解決問題ê奇巧,建立合作ê關係 (p199-209)。 Lán mā thang學習án-chóaⁿ做人父母,che 濟濟人lóng袂知覺che是1个問題 。


啥物是散赤?問題koh是啥? 欲án-chóaⁿ脫離?(預算規劃,án-chóaⁿ開錢)Che thang好好思考。

教育敢是好投資?學位敢有影對收入有pang-chān?

學歷無代表是siáⁿ,kan-taⁿ代表你可能真phah拚niâ。教育chhanchiuⁿ資本,愈濟,tō可能趁愈濟。

Che thang hō͘ 咱思考學校教育體制,kap án-chóaⁿ自我學習願意去改變才是siōng大ê mê-kak。


上落尾,講著欲解決一定愛ùi政治kap經濟共同解決。Che mā hō͘咱想著Trump為何選tiâu (?低層人民想欲改變?),「選票」是改變現狀siōng大ê力量。




2018年1月4日 星期四

語言平等?台語孤兒?語言發展年表(自製)

從年表(針對蔡英文執政期間)來看:

民進黨上台的確對於語言平等有幫助。以蔡英文來看比目前進展的速度比陳水扁還快,尤其是客語。相較於客語及原住民語民進黨卻對台語的重視程度,讓人咋舌。而在法源的角度,沒有其它法源如<客家基本法>,<原住民語言發展法>,只能等待<國家語言發展法草案>。

而此草案沒有明白的定義閩南語或台語,以自然語言稱呼,名不正言不順,真能有多大效益?鄭部長也提過,國家語言主要是在保存,也將以此法源設立台語頻道,我們拭目以待。
但若仔細來看,客語、原住民語根本不需要<國家語言發展法草案>來錦上添花,它還沒過,客原不都變成了國家語言了嗎?有自家的電視台?

政黨替換的確是有很大的改變,這是一大主因,但也得看主權者的態度。第二大主因是他們已經有自己的委員會。

客語若沒有客委會(2001),<客家基本法> (2010),蔡英文推得了嗎?我很懷疑。


<國家語言發展法草案>看來就是以台語及手語 (還有未成為原住民語的語言如西拉雅語)為主嗎?

會不會變成新住民語變成國家語言的跳板?台語只是陪襯?





客語
原住民語
台語