2016年10月19日 星期三

母語成為國家語言?

<母語成為國家語言?>

昨日10/18號,副總統陳建仁至屏東參加「2016 海外客家社團負責人諮詢會議」致詞時表示要將把推動客語成為國家語言。筆者近年來的觀察又是一筆可笑及荒謬的政治言語。審視過去筆者在民報論壇針對政治人物的語言態度所批評及看法,讀者心裡自有判斷。

「國家語言法」早就不是新詞,過去有20032月《語言平等法草案》及2007年《國家語言發展法草案》。時間拉近到2014313日鄭麗君委員(現文化部部長)質詢當時文化部長龍應台有關國家語言發展法的推動,到2016425日管碧玲提《國家語言發展法》,被林德福回應「面對中國崛起,用中文更國際化」如此華文沙文思想。再到鄭麗君做文化部部長2016830日聯合報專訪指出「已在文化部人文及出版司新成立「國家語言發展科」,將以此專責單位研擬訂立國家語言發展法,促進多元語言發展,執行仍交各部會執行。」這些過程,都可看出沒有國家語言發展法,母語不可能有平等對待,教育制度不可能有效的改變及改善。然,總統及副總統蔡英文和陳建仁卻先大話一筆說要把客語成為國家語言!這種言語不禁讓人嘖舌,讓人搖頭及不知所措,搖頭的是語言法訂定了嗎?還有是他們心中只有客語?筆者母語台語(狹義)沒有如原委會及客委會的政府機關振興母語,亦沒有電視台,試問蔡英文陳建仁如何看待大多數台語母語人口?

當然,筆者還是對於這些對於支持母語的言語表示樂觀,卻不會以這些言語感到歡喜。我們滿心期待在母語教育的轉型正義,過去從1990年代母語文學運動算起,二次本土政黨執政到如今我們正規的母語教育還要等多久?這才是真正落實母語保存的一大關鍵。否則,只是短暫的政治話術假性高潮罷了。


補充



2016/10/18

2016年10月9日 星期日

母語翻譯

<母語翻譯>
台語翻譯ê事工咱台語運動者千萬m̄-thang放。Chìn前有the̍h起張春鳳老師佇學校chhōa學生翻譯世界文學ê事工,che lóng 台語界少人去致重--ê。先mài講內底台語好á báichóng--che tùi tú 開始接受台語á是世界文學lóngchiâⁿê開始kap練習。Che mā可能是我想欲翻chia金句ê in-toaⁿ,練功夫,接受新ê mi̍h,過去chē-chē台語詩kap小說太chē悲傷,政治,無hiah chē哲學思想/ 反思,人生ê生活。我感覺是ē-tàng ùi hia 世界級ê哲學家來學,看人是án-chóaⁿ ê想法,人生kap社會ê態度,chiah有發展hiah進步ê國家。台語寫作應該koh-khah --ê,各方面。

台語翻好翻báiche望以後êē-tàng koh再進1步翻kah gió-toh ê台語,補充。我老師kap朋友定邦兄,俊州兄,凱哥台語lóng是上kioh--êin lóng 捌做過翻譯m̄-nā詩,劇本,小說等等。我冊櫥á koh有曾正義 (林肯傳),林恩魁(全漢字聖經),林俊育牧師(荒漠甘泉)lóngleh翻。翻譯會看會出台語好kap báiche lán tōke講,另外是koh了解台語kap華語是完全無仝--êLán nāhit句翻了,看kap kiau華語lóng欲仝á欲仝,he可能有問題。

台語界寫詩khah chē,散文kap小說聽講有khah加,是講,gâu--ê koh會寫幾冬?我是咒chhàm,是甘。真無自信台語ê發展,心內有希望mā iáu-bē kàu 絕望。任何gia̍h筆寫台語--ê lóng是寶。Lán無寫作 ê才調,chhiūⁿ Anne Frank伊知伊ē寫,soah giâu-gî 是才調,he koh愛觀察。而且咱kohchiâⁿ濟事工愛做,tio̍h lahche lóng nôa-thâu。閃責任,hō͘ ka-tī khah 快活leh,才會che翻譯ê事工當作是散散ám̄-chiâⁿ做。

Hiah chē 世界級ê 「大師」(是美國西裝khah tōa-su)寫--êlán khioh便--ê,算偷食步the̍h來翻,來學,chiâⁿ chēlóng有翻,soah m̄免有台語版?台語khah細漢?Á是無才調翻?是lah,有chiâⁿ chēleh翻詩,chóng--,我感覺che koh-khah óa生活ê哲學,免讀kah hiah文,而且詩無好翻,he m̄是接拖tio̍h台語好bái niâ kohkhahê文學背景。有--ê koh ài了解伊ê歷史背景。Só͘-tì,讀了soah白讀,無感覺。Lán 內底目前有30 ê 世界作家,超過2.5萬字gōa ê金句,算濟無濟,lóng是用lân-san時間做--ê1gōa,算是小小á ê sit頭,有學tio̍h--ah。知家己ê台語書面化,知識kap常識lóng有進展。翻譯少人致意,soah m̄he 1 ê學習母語ê方法。咱過去學英語án-ne學,soah m̄知用佇ka-tī ê母語。

我捌招幾ā ê友志leh鬥做,無人感覺心適,我koh問,相信上帝有hō͘in排比其它ê事工。以上記錄。


2016/10/3

2016年10月8日 星期六

海鳥

2016/10/2 Nijmegen Lage Markrt

<海鳥>

船隻來來去去
海鳥飛koân
lóng知影 in leh 偷看
出外人ê心情 hō͘ sn̍gh-sn̍gh ê酸冷風 siàn kah
無法度bih
In 是我ê見證者

Àⁿ頭祈禱 o-ló上帝ê賞賜che無仝ê體驗
kā phi̍h-phi̍h-chhoah êá tiah 2-3片葉á tah佇詩chōa
Soahka-tī過頭chhóng-pōng
只好先àn hā

日頭thiah-ha̍hkhah
心早to起床等
Ko͘-put-chiong先做夢鬥伊ê面模á
hō͘故鄉ê詩坐清--chi̍t-ē

離開ka-tī熟似 ê土地
koh插支拚勢過活
Lim ê水、suh ê空氣
致使nâ-âu孔起反症吐無仝ê話語
心悶唱歌時才發現
原來海鳥leh笑是chit項代誌

無看見山
--是,有闊sai-sai ê
的確有減少思念
陷眠時叫咱m̄-thang迷戀
海風直直sak
起行lah,免趕寬寬á
Kàu toh ê 1 角勢島嶼ê形影
Lóng掛吊 tī teh

等詩寫好
我才iang海鳥交hō͘

2016/10/8

2016年10月1日 星期六

洪箱 演講 0925

洪箱 演講



我已經用好逐字稿 (我盡量用漢字了,有些台語看漢字是不好讀的。) 。(希望有能力的人上一下字幕。) 


各位鄉親,逐家歹勢。其實九月徵收我佇5年前,就捌來經過遮。其實我攏足了解逐家ê心情。阮庄跤阮定佇庄跤有即句古早話咧講,第一是田園,第二是某囝。土地佇咱台灣人ê心目中是比某囝閣較重要。所以咱攏向咱ê土地假若咱ê性命咧保護。其實我定講佮逐家塊講政府伊毋是毋知影,政府嘛是人做的。著--無?

(民眾回:著--啦!)

政府嘛是愛食飯--的。我定咧講政府遮的人in毋是食屎--ê,伊是食飯--ê。所以in應該了解咱百姓恁今仔日遮ê物件。

恁講佇台北市進前捌佇凱道種稻仔,會活袂?袂活嘛!所以伊講ê講,咱有種心情。我今仔日看逐家按呢。我,我定上台北,我講台北是1个可愛ê所在,是咱台灣ê首都。但是我每1改來台北,我是 1 ê歐巴桑,所以以前我定咧講笑我來台北是來抗爭--ê。是按那國家會予遮ê歐巴桑行入街頭。恁確實感覺毋免面壁。為啥物咱遮歐巴桑會行入街頭,是in政府逼咱,無路通行,咱會曉--ê,就是做田嘛。講實在咱遮 ê人,毋是干焦會曉做田?著--無?(著--ah,著--ah。)
較早劉政鴻講欲阮收講「ah ho͘ⁿ,做田無前途,你按呢就有通趁,我講今仔日我若遐𠢕 總統我來做。因為我就是袂曉嘛,我干焦會曉做田。這是我ê工課,彼嘛是咱生出來ê命就是按呢,所以我定咧講我足認命,我干焦會曉作田,chhun--ê我攏袂曉。所以為著土地,講實在--ê,我來台北足濟改--ê,我足怨嘆就是講,政府伊予我足失望--ê,就是講,伊毋是毋知影咱欲愛--ê是啥物。

1ê責任kap1ê攏有上帝,比如講天公伯仔欲予咱,咱較早細漢咱若有序大人攏講咱出世咱就是咱有咱家己ê使命嘛。我既定咧講我若遐好命,我就嫁蹛...我就是庄跤出世嘛,我可能以前就咱就hông hêⁿ-tau,就免做啊嘛。著否?是按呢今仔日愛作?(含金燙匙來大漢--ê)著--ah,做田毋是遐快活neh。作田毋是親像伊政府咧講遐「 詩情畫意」,足簡單--ê neh。我定咧講51仟咱是做甲欲死,汗愛流偌濟,所以我知影土地ê徵收對咱我講足無公平,因為彼是咱ê工課,咱欲食飯,咱ê要求敢會過份?為著3niâ-niâ。咱從來毋捌想過榮華富貴。

我定咧講「豪宅」,因為咱就是無甲咱就是無遐呢好額,所以咱就是滯「好窄」咱毋是滯是「豪宅」。所以伊講--ê講每1个人ê生活佮每1ê工課,每1人咱攏足認命,但是今仔日政府欲做--ê,伊有予咱按呢無?政府若欲愛攏講以法處理,啥物是以法leh?所以咱ê教育講將來咱ê,咱ê責任佇佗,政府攏咱講足好咱ê義務伊攏咱講kah足濟,但是咱ê權力leh?中華民國憲法毋是講欲保護咱ê生命kap財產mah?但是你有無?(無)我攏足簡單ê工課就是講,以前劉政鴻伊講土地徵收足好--ê,區段徵收足好,hong-hù車站欲徵收ê時陣,是án-na伊袂參加徵收,我定leh講,既然你有hit-lō工課,是án-ne你縣長攏較𠢕a̍h 遮攏白痴喔!我感覺逐覺攏食米大漢,你無影加人gōa 巧,既然遐好,是按那你兜無免徵收。伊講會當先申請保留,恁會使寫批去問,是按那會使申請保留,lín 嘛攏會使申請保留,所以足濟方法確實敢會使按呢?In攏欺負咱遮个人ê善良,a̍h 因為咱攏足認命。但是我感覺為tio̍h土地kap財產lín 徛出來攏是應該--êlín--ê mā是應該--êChia ê人攏欠罵--è,但是恁看恁講話恁抗議hiah濟改,in敢袂毋知恁欲愛啥物?In咱當作是盼仔,我一直感覺是講咱ê責任,咱ê權力佇佗位咱愛認清。恁今仔日徛出來是為tio̍hê序代,咱若去予收去了後咱欲mi̍h按那,咱ê序代欲食啥物。我定講ê講政府佮財團攏「掛勾」,俗俗仔咱買--êkah貴貴仔買予咱ê囝孫,足可惡--è。這確實有夠可惡!(咱就家己留予囝孫aha̍h會使予in)著--ah,著--ahA̍h今仔日恁會徛出來,所以我足感心,正港!但是我嘛足痛心--è,就是講5年外,我所看tio̍h--ê lóngán-ne,今仔日講koh-khah濟,講60ê徵收案。(70ê)以前1  70ê,因為我無講足所以以前100年你知,伊講土地欲徵收前年我有講土地欲徵收只要是私人--ê 攏愛人頓印仔,不管欲作農á是欲作啥。但是咱攏了解台灣人是愈來愈少neh,恁會記ē袂?即馬ê人愈來愈少,路愈起愈濟,是欲予鬼行--è 喔?彼就毋是人欲行--è mah!(拍噗仔聲)彼就毋是人欲行--è mah,咱有遐濟人通好行?所以講è講,你起遮 ê路欲創啥?講甲現實ê啦,he是講逐家攏知啦,1句話講啥,「無破壞,無建設啦,無建設無回扣啊」,著否? (著

這逐家攏知啦,我恁講足濟代誌(袂使講)是會使講--è,袂使做--èA̍h 袂使做,袂使講--è。但是恁逐家攏心理有數,無破壞in mí-ná有建設in mí-ná有啥物通有好趁?但是你即馬路最後做落,講實在,咱1世人攏作田,咱若後擺欲食飯ê物件neh,咱ê一代欲食米。所以咱希望講咱逐家攏愛堅持,你ê財產,你欲賣無賣攏是你ê代誌,啥物人攏無權力咱講咱一定愛賣。因為咱若恁賣,恁攏愛錢,愛錢敢毋著?愛錢無毋著,我愛錢嘛無毋著,咱攏愛趁錢啊,我也毋是搶--è,這物件我--ê,我定咧講這物件我--ê,我欲買偌濟,這是我ê代誌。A̍h你欲買,錢提來講嘛,ho͘h,著否?這敢毋著?咱買賣敢毋是按呢。你政府愛徵收嘛是按呢嘛!你講較歹聽咧,所以,in定咧講阻擋地方發展,但是彼條路若無起,遐ê人敢攏袂當生活?所以攏騙人--è,所以我希望講足濟咱了解,但是咱愛堅持你ê財產,啥物。A̍h若叫你開會,拜託--è,毋通烏白頓印仔--haⁿ!因為我有感覺足濟ho͘h,有足濟攏講ho͘ha̍h你來開會tō愛頓印仔。足濟in攏一寡漚步啦。但是我講實在,咱攏愛覺悟,橫直我ê物件我若毋烏白頓印仔,無啥會。講實在,伊若今仔日正港欲kā咱掠去割,嘛磨緊。我講歹聽--è,咱會當…咱後擺土地保留落來,咱欲創啥--è,咱愛食米食飯,所以我講政府會當講了解今仔日恁遮ê人,愛了解,足多謝恁逐家堅心來徛出來,真感謝恁逐家。其實我看恁逐家徛出來,我足欽佩--è。台灣人tō是才可愛,為tio̍h土地欲留予後一代,咱逐家攏勇敢徛出來,咱逐家人攏愛勇敢,著否?(著!)不管啥物人欲咱ê財產,攏愛咱歡喜甘願--è。毋是in按若講,你欲賣毋賣攏是你ê權力,所以我希望咱逐家堅持落,多謝恁逐家。