2015年4月30日 星期四

台語冊紹介-實用台語會話/ 林紹賢 / 1950

<<實用台語會話>>台灣省政府/ 林紹賢 / 1950

即本咱開500箍。74頁po̍h-po̍h-á!

濟濟原因:

1。會使看殖民者展示in ê霸權。冊皮,第一,第二頁,甚至課本內容攏會使看會出來。
2。伊是使用羅馬拚音所寫--ê
3。佇『中央研究院臺灣史研究所』查著篇者捌佇1955年“民國四十四年“做過翻譯。應該是指“台語“,lán ē-sái想像1945年到1947時發生二二八事件,當時社會對政府語言猶原有相當ê溝通阻礙,siáⁿ-mih民族國家實在是 hau-siâu。Hit時到1955年,北京話是弱勢,講台語ê人口免想是足濟人--ah。

chit 位林紹賢chhōe bô khah chē資料--ah。

若有前輩友志欲補充,請來解破1下。勞力。







圖來源:數位影像為中央研究院臺灣史研究所與臺灣省諮議會共有。此圖為修圖。




冊紹介--實用台語會話/徐浩輝/1958

Lán想欲了解過去台語ê影跡,所致,學俊州兄去網路標冊!Bat聽in講時到轉去ê時,一定ài chhòng 1 ê 台語文ê 紀念館(歷史館,文化館…紀錄館,名soah bōe記--tit),總--是,lán有感動。
是講i 有上帝ê 引chhōa,我lah? 有--ê是對中國黨ê bōe爽!Ah,mài 講he gō͘-sì-saⁿ,當作是興趣,未來將母語傳落去,lán 嘉義文學獎獎金the̍h來開落--去!

1958年11月初版,時間性特別,所以標落來,會使看見koh有薄淡仔日文發音對照,不過後壁攏注音,彼時玉山koh叫新高山,中國人可能袂赴改,咱peh山人有注意著!後來再版毋知有改無?當然,支那毒素ui二二八後開始湠,出台語冊是政治e因素?

心內濟濟問題向望以後ta̍uh-ta̍uh-á來chhōe 答案,ah-sī網路頂有前輩有答案ah?請來解破1下。勞力。


總共186頁。

================================
1946年4月2日設立「臺灣省國語推行委員會」(簡稱國語會)推行國語運動。

1946年開始即開設「國語廣播敎學」,田培林責成魏建功和何容把北平三日刊的《國語小報》遷移臺灣,改為日刊。《國語小報》也就是後來的《國語日報》。

1947年二二八事件。

1951年7月10日教育廳令各級學校應以國語教學,嚴禁方言,教師和學生之間談話都必須用國語。聘請教員時,應考慮其國語程度﹐如國語程度太差者,不予聘用。此後,更三令五申,強調此項政策。

1952年11月28日有《台灣省國民學校加強國語教育辦法》,責成校長監督、考核之責;


==> 1958初版
1963年7月22日教育廳再頒《台灣省公私立小學加強推行國語注意事項》,此一命令最重要在於推行國語成為校長考核教師年終考績之一,而學生說不說國語,也影響到其操行成績。各級學校師生必須隨時隨地使用國語;學生違犯者依獎懲辦法處理。

==> 1963再版


1966年,日語在台灣的影響力已大幅減弱。

1972年起,政府更規定電視台的台語電視播放時間不能超過一小時,且當年的第一屆國大代表提議政府制定《國語推行法》。

1975年台語白話字聖經被沒收。

1976年立《廣播電視法》公佈,第22條規定,「電臺對國內廣播播音語言應以國語為主,方言應逐年減少;其所應佔比率,由新聞局視實際需要定之」。

==> 1977再版
1983年4月,《語文法》起草小組以「切實推行國語,保持固有國字,以防簡防濫」為宗旨,著手草擬《語文法》。

1985年12月公佈,規定在會議、公務、三人以上場合、各級學校以及大眾媒體中應以國語文行之,第二次違反者罰3000 - 10000元罰鍰,連犯得連罰。


=====================================

2015年4月29日 星期三

毋通kā我講



<<毋通我講>>

毋通我講佗位工廠koh偷放廢水
我會起siáu
毋通我講佗位樹仔hông tshò了了
我會起siáu
毋通我講佗1項食品 koh 烏白tsham
我會起siáu
毋通我講核電廠koh跳機火燒
我會起siáu
毋通我講佗1位大官虎koh食錢
我會起siáu

ah,毋通我講ah
我強欲擋袂牢
tshoh-kàn-lo̍k-kiāu
in娘嬭(niû-lé)開基祖
in爸公開基祖

台灣水牛袂記家己頭頂ê牛角á
Khian-á kā 鼻空套leh
khiú tō
袂痛袂哀
tshan袂哭
我強欲擋袂牢
我會起siáu
tsuánn-iūnn你攏袂起siáu

2015/4/30

放屁看醫生





<<放屁看醫生>>

隔壁ê阿公,歲數有--ah,耳空誠重。三不五時,人交代ê話toh ài 講幾á遍。家己攏足歹勢!

1日,暗時睏時有1聲足足大聲屁,臭耳阿公嘛驚醒。阿嬤開喙講是伊放--ê。阿公無講siánn,顛倒安慰阿嬤講有聲—ê,khah buēlah。阿嬤笑笑toh khah阿公攬leh,繼續睏。  

Koh 1日,阿公leh睏ê時,鼻著1陣足臭足臭ê味,毋koh伊無聽著屁聲。頭殼giâu-gî到底是siáng放ê? 無把握是伊ah-sī阿嬤?若是伊,可能阿嬤假做無聽見無鼻著,koh煩惱家己ê耳空愈來愈重。若是阿嬤,總--是家己牽手,bua̋-kín lah

Toh án-nesio-liân-suà幾á工,暗時攏有足臭足臭ê味。阿公發覺阿嬤無伊攬leh睏。阿公心內想一定是伊家己放ê臭屁才著!

隔工,去病院tshuē醫生,講tsit款ê情形。

醫生足困擾講:若是毋是你放--ê,你tō àitshuē看耳空科ê醫生。若是你某放--êtio̍h叫伊緊來hōo我看胃腸。
阿公講:若是攏毋是我kap阮某放ê--leh?
醫生講:án-ne khah嚴重,你先ài看精神科…


2015/4/29





2015年4月28日 星期二

喙臭


2004報紙( 現準茶葉,花茶攏有hong5驗出超懸e農藥)


<<喙臭>>
彼工我考試無kài理想,吐1大喟,怨嘆無考運,有讀ê攏無考出來,無讀ê攏齊齊考出來!
老師:毋通餒志(lué-tsì),毋通án-ne,吐大喟是會phah-tshik-sue,會將好運吐吐出來。
我:是ooh,我知影ah。按呢,放臭屁leh
老師:這…he是將歹運放出來lah,別人khah siâu lah
我:老師,你ê喙臭臭是kohsiánn neh?
老師:你來你來,考試無及格, hit tshuê-á kāgia̍h--過來 出來先hōotia̍k幾下--lehChiah koh講…

2015/4/28



2015年4月27日 星期一

嚴長壽先生m̄-thang做獨裁者ê下跤手人

新聞舊照

<<嚴長壽先生m̄-thang做獨裁者ê下跤手人>>

我尊敬ê嚴長壽先生,講hit句話,心肝頭soah--去!

到底是老人ài對未來少年1代負責,a̍h-sī少年1代對ka-tī負責。Lán ài 覺醒頂1代已經無法度koh hō͘ lán khah ê未來,無,總統9.2%支持度án-chóaⁿ--ê ?所致,ka-tī ê未來ka-tī救!

chitê思考,lán 少年人kám有影 khah無路用,無才調?無,318日頭花運動koh án-chóaⁿ--ê?當然lán mài論運動ê結果,總--是,ii歷史ê評論kap價值,是你kap我現此時tō ē-sái 論輸贏--ê

嚴長壽講:『18歲投票「會不會形成災難?』。講過去ii ê國際觀實在是有影hō͘ giâu-gî,頭殼有影tām-po̍h-á têng-tâⁿ--ê款。I ka-tī mā18歲投票是國際趨勢,soahlán少年人是hō͘操弄意識型態?質問lán少年人了解世代正義?講世代正義是lán少年人來決定『應該替insiáⁿ-mih tāi- chì』,有影是放屁臭koh àu!準講少年人是lóng bōe覺醒,gōng-gōng等人來liô等人來thâi。未來是siáng ê未來?

Lán仝款質問嚴長壽先生kám了解少年人?Kám了解318日頭花運動背後ê意義?Kám知影歷史課綱教育部烏白來,koh有濟濟國民黨大官虎,林益世,賴素如,柯朝欽,卓伯源,還有劉政鴻,黃健庭烏西食錢hông判刑。Chiah ê人,kám有影有公民ê素養,有做夠人民ê期待?現準lóng koh leh kha lián-chhùi-chhiugōa逍遙自在lehKap少年人講正義,kám bōe感覺見笑,sià世眾!

現準少年人欲出頭,顛倒欲壓落底!?Bōe感覺歹勢,厚面皮,lóng是少年仔ê問題?講chekám bōe siuⁿ超過?良心何在?Koh 牽去意識型態?嚴長壽先生,你目chiu kám有詳細peh hō͘ 金看hō͘清看hō͘明?

現準少年人欲出頭,是為ka-tī ê未來,因為頂1代留落來ê祖公仔『黃金』,早tō 11滴消失去,落尾,koh ài lín kha-chhng!嚴長壽先生無去批評過馬英九,顛倒giâu-gî少年仔ê能力,講無受過實質ê公民教育。對chit點是siâng ê問題?Koh有若是欲照車輪黨ê教育早無望--ah 嚴長壽先生ê思想koh停留過去,soah bōe記現準網路資訊ê吸收,少年á kám bōe ka-tī chhōe答案?Lóng bōe反抗?Kám有影頭殼lòng 1空?He 是嚴長壽先生ka-tī ê思維 ài tòe時代。Éng-kòe,嚴長壽先生講過目前台灣行運命ê雙叉路口,民眾若有不滿,ài表達出來。Kám講少年人欲求生存時,你soah來講bē-ēng-titChe 實在是講bōe tit 過!
嚴長壽先生,你看見ê未來是生做siáⁿ-mih款,又koh認為教育是應該án-chóaⁿ?出過<<我所看見的未來>><<教育應該不一樣>>kap<<我的台灣想像>>濟濟本冊,你應該有相當ê理解才是!

嚴長壽先生,你若有心,應該ài向政府講目前教育部課綱修改chit件代誌,m̄-thang烏白來,先要求教育守法chiah來講!M̄-thanghebô-sè-jī變成獨裁者ê下跤手人,hō͘人來怨chheh

2015/4/28