專業

<<專業>>

人講1門功夫ai khai 1萬小時chiah 會出師，he 端著是leh講”專業”chit e詞，koh 有1句話『台頂1分鐘，台kha 10冬e工”。Giah筆算算leh，有影差不多ai 1萬小時，有影是有統計學e干證。Ah是少年講la-chi做過1 pai，1世人 long boe袂記，kap騎kha踏車仝款，總是無人聽講這是1種專業。Hoan-se未來社會愈來愈開放，無的確會，咱to先莫講死。

講che，是koh 1 kai反省chit幾冬不管是讀冊，iah-si做工課，咱到底是真真正正學tioh，是siann-hoe？過去讀冊，歷史，地理，無1項kap咱有治代，尾a，chia知這是政府e手段，這毋是浪費咱e青春？這點有牽涉政治方面e問題，咱先按下。無想欲koh hoo 情緒起bai。咱承認心內對未來是悲觀e，嘛了解咱無悲觀e權力。總--是，he毋是咱所願e，koh免講，現此時咱工課時間掠外，chit二，三冬koh開濟濟時間，金錢去了解家己e故鄉，語言kap歷史。當然，若是咱有夠做『文青』e才調，才來講討論這是毋是專業？是講，讀這免siau想趁錢kap知名度，咱毋heng這款mih。Kan-a，感覺che是有意義，有意思e代誌，心適心適，嘛有些寡無法度ka伊來剝削去。會繼續做偌久，咱掠袂準，嘛毋願想。頭khak khng siunn che 負面e思想，kan-a想欲活khah開活leh。

咱有看khah歐洲kap美洲方面e教育，無講是真深e研究，不而過，會當看出過去咱受e教育實在是差人上濟，莫怪Nobel Prize，無人tioh過，細漢比人khah gau，soah大漢 ko 牛屎，做人奴才。咱教育無教人思考，創新，這嘛反應佇目前工作市場kap經濟倒退魯。有人講內底有足濟足濟因素，咱認同，所致，干焦看阮過去e教育kap目前生活當中有siann-mih關連，siann-mih根本tioh是落伍，反現代，甚至是1種政治洗腦手段。回想che另外1點，是向望kati嘛繼續自我教育koh未來gin-A教育e想像，做1 e比較。這chiah 會進步，囝孫有koh khah好e未來。

佇國高中所學e，目前看來ia是數學，英文，物理kap課外社團活動有幫贊，其中數學ham物理教了上過深，方法應該是會當koh-khah活leh，毋通死背，這可能嘛是過去老師伊本身to是anne學來ah，無法度lah。英文確實出社會了，上重要e，可惜咱干焦限制佇專業方面上e對談nia，若是欲佇生活上講會lian-tng有困難，賴清德講欲ka英文成做官方第二語言，咱chiah來看伊an-choann做！是講目前社會變化hiah緊，學校教學有改變？咱感覺真giaugi，佇坐高雄捷運e時，有用目尾偷看hia高中生koh leh 讀中國e歷史kap 地理，有影感覺真可憐，美好e透早kap活潑e青春soah 來au臭去。真毋值，眼前幾a e高中生to anne讀khah誠認真，是求欲好成績thang好申請1件好學校。M-KOH，koh過10冬後，koh是siann-MIH世界？你知我知，chit 款chheh有是毒--E。

大學時，一年a e時，若親像斷去e風吹，厝內管袂著，無閒社團，phann 七a，尾a，二年e時chiah phann有。可惜，過去咱厝內學校內無教阮如何ka查某gin-a鬥陣，佇畢業典禮前1工，來分開，初戀失戀有iann是痛苦，心若刀割leh。過了差不多5冬，心內e傷才來消thau，你看真毋是教育害人nih！佇二年開始咱有khah認真讀chheh，kau研究所kohkhah免講，為tioh欲ka過去放袂記。不時ma leh 讀chheh讀khau半暝a，可能咱智商khah低，讀chheh有時koh心思不定，無夠注神，總是提袂tioh好e成績，檢采對chit款考試考袂soah e制度，有影排斥。現準想起來，浪費chiah濟時間，haih，這to是人性。Koh hoo我來 1 kai，hoanse ma 仝款。寫規字，做1 e a回想nia。

若是講專業，有影真見笑，無敢sa出來 hoo人看。佇工課場，有e是英文比人khah lau3 nia，一開始出社會佇鴻海有khah賣命，錢ma無講烏白開，第2冬拚勢去hah 1間欲25坪e公寓，當然有貸款。尾a，轉手買出去轉來府城，算是有投資成功。趁濟趁少，莫講，這根本無是咱一路計畫好勢e。本底咱是欲佇hia安居—e，欲轉來故鄉上無欲做十冬chiah轉來。Haih，攏是運命有leh sak 咱行，bong_bong懂懂 hoo伊拖，好bai講無1 E準。對面未來ui工課kau tann，愈來愈無chang，講siann目標，理想嘛愈來愈茫茫渺渺。看會對e起ka-ti nia，笑ka-ti無志氣lah。讀chheh，做工課long是ka-ti khah 好運，tu tioh好機會，對我有包容e人。讀電子科，變化誠緊，話koh講轉來『專業』2字，了解人性可能是目前佇過去欲9 ni 外學tioh-- e，人對工課事內一koa 扶lan phah，官方心態有khah慣習。毋知這敢是1款e專業？ia 是這應該是kap la-chi仝款，拄過1 kai to 永遠會知影koh ai熟手？無，是咱han-BAN。

算來，ai 怨嘆1件 tai-chi，過去無學1項功夫會當來食穿koh興趣超過3冬外，he 是ka-ti e問題 ia是教育e問題？講專業，chin見笑ooh。Resume phah開，是欲騙siang2？

*註：寫che，是欲進入人生無仝款e生活，人講e 2 人生活。算是liau-liau-a回想過去 ka-ti是按怎過e，未來 ai 按怎來改進。擔頭put-lih-a重leh。趁chit 幾工，公司無siann tai-chi，袂輸請我leh寫ka-ti e故事。恬恬，khah細聲leh，你知我知。你定著看見電子業e 退步。

2015/9/4