阿爸e三輪仔

彼日，下晡

三輪仔 閣在出動

我對阿爸去載貨

載著切片仔*

載著全家的希望

載著沈重閣甜蜜e果子

阮規灣裡社走透透

親像咧出巡

看起來真風神

我坐置後壁

看阿爸e形影

衫褲予汗浸甲澹糊糊

看阿爸e頭鬃

白頭毛乎日頭照甲閃閃爍

淡薄仔毋甘 淡薄仔心痛

目眶一時紅  鼻頭一時酸

阿爸斡頭過來

問我啥物代誌

目睭淹著風飛沙 日頭漸漸欲落山 冷風透心肝

戇囝 以後阿爸駛驕車

三輪換四輪 袂曝日沃雨

阮作伙遊山玩水…

其實我心內 上愛三輪車 不是欲坐好車

 註：

 切片仔 = 過去台南灣裡的行業。收集一些廢金屬，分類後轉買。

後記：

用台語留些文字是想找回過去那段日子與父親的回憶。

這些記憶怕再過幾年，腦袋不靈光了，也想不起來了。