七字仔網誌

圖來源

拚生拚死考證照，求神拜佛著愛牢，日夜顛倒面漚臭，身體健康害了了。

---考證照

業績塗塗頭路辭，時機歹歹佗位去，褲底只賰零星錢，毋知如何見某兒。

---吃家己

一喙道理老師傅，名牌衫褲規身軀，行踏江湖不知輸，真正動手若死牛。

---說大話，英雄莫講少年時

拖著かばん兮形影，場面較大嘛無驚，漂洋過海無算啥，頭前路途阮先行。

喙焦嚨喉早梢聲，團結有力鬥陣拚，只為番薯代代湠，即款心情我知影。

---予楊醫師 千里遠渡美國/加拿大演講