2014年3月11日 星期二

世界母語日2/22 台南場 心得


政府欲用中國ê歷史掩蓋台灣本土的歷史。台灣ê文化嘛變成中國文化。台語文ê抵壓,從來不少(tsió ) 過。利用教育佮煤體自細漢,平常時毋停咧洗腦,台灣ê根早就盡剉了了。到時,台灣規碗予捧去,欲哮就無目屎。

因為文化佮歷史洗腦,變成台灣人無法度思考,思辯到底是啥物是對是錯矣!

就是按咧,台灣欲進步無可能嘛。家己無願徛出來,自私,別人囝死袂了。可有種可能就是家己就顧袂飽矣,那有法度顧社會。這攏是一種惡性ê循環。到最後嘛是要靠家己ê覺悟覺醒,決心去改變。演變尾矣,就會有足嚴重ê抗爭。

文化改變?按怎改?

第一就是愛讀冊!

了解本土歷史,本土文化,才會凍定根,土地ê認同。無認同,當然就會佇土地上烏白創。排廢水,用假食品予台灣人食,作官烏西,佮台灣當作旅舍,錢賺飽就跑去國外,抑是去大陸做大官。

恁想看麥,一冬裡底,捌看過幾本冊。就算有,是啥物款ê冊?除了佮家己專門科以外ê冊,甘有讀其它以外ê冊?

所以講,台灣人一般來講,眼界較淺。另一外造成ê原因就是煤體,無營養ê內容,政客為了選舉,去。政府機關空轉,該做ê不去做,不該做ê做一大堆。

第二就是愛講母語。

這嘛是土地ê認同,無甘焦是對國家。比一例,你攏無佮你厝內序大講台語,變成你以後嘛袂佮你囝兒講。按咧,阿嬤佮孫仔無法度溝通,阿嬤ê台灣國語,孫仔聽咧霧煞煞;孫仔親像啞口,想欲講煞講袂出喙。先莫講文字ê保留。這款情形,是愈來愈嚴重,不管是台語,原住民語,客語攏仝款,政府有大力去推動嗎?這共咱講,上好是家己來教啦!

想看麥,以後你ê孫仔共你講外國語,聽有嗎?另一咧問題就是現此時有欲40外萬ê外配新移民。以後,怎樣佮下下一代溝通。十年了後,會曉台文ê人攏嘛是國寶矣!


霧嗄嗄 bū-sà-sà

沒有留言:

張貼留言