行棋

圖來源

<<行棋>>

阮兜是leh做工e5，阮老爸食飽後一定ai3泡茶，che應該是in一工辛苦作穡後siong5大e5 享受。阮e5穡頭是永過叫做切片仔，chit chham e5 人可能聽無，那是講廢五金回收可能較知。這是一種粗重工，鐵仔廠是阮家己開e5，有請工人，我印象中上濟捌請到5e5，外口e5工人無算在額，閣有阮老母嘛無算在內。外口e5工人，to7 ai3用三輦車載去in兜予工人做，閣在車轉來。Che是一項大工程。若是拄tioh8我放學iah8-si7歇熱，我佮阮老爸to7 會作伙載貨出去。坐ti7三輦車頂，hit時我感覺 siann5 phah。今仔日，m7是欲講鐵仔廠e5記事佮工課代。是欲回想阮佮老爸作伙一寡趣味e5代誌—行棋。

講實e5，阮爸仔囝無共同e5興趣，我嘛無啥物gin2-a2生活，除了上課其它to是佇工廠鬥跤手。我毋是欲怨嘆嘛無啥物好怨嘆。這是環境所致e—e5。阮高中叛亂，大學ti7台北讀冊，國中siau2拍籃球開始補習，阮共同e5時間tioh8是國小進前chit段日子。

Hit時較無煩無惱，放學後去工廠寫功課，功課寫了鬥相共做工。等候穡頭做到一e5崁站佮爸母作伙來轉，日頭已經早早落海，月娘出來照路，熱天火金姑四界飛，水蛙嘛來叫阮早早轉去歇睏。

食飯後，泡茶順紲佇棋盤頂拚輸贏。阮行e5是暗棋，khah簡單。M7-koh，我看e7出我老爸sng khah siann5 歡喜。有時in 運 khah bai2，連輸！我看伊面結結，tioh8會 偷偷仔放寡予伊食一點仔甜。我想i應該m7知。因為i已經沈醉ti7棋盤內。雖bong2行棋ai3做大丈夫，無人leh做佬仔。我 an2-nih做，是m7 甘老爸欲hoo7 i加kah 濟笑蓉。我是一e5 han7-ban7 講話e5 後生。除了che kap ka7 冊讀hoo7 好，我ma7 m7 知 會當koh做 siann2。

話講轉來，行棋泡茶hoo7 I 想siong5 久。退m7是進iah8 m7是，茶早to7冷枝枝—loh。茶葉ma7 ai3換一ko—loh。

人講人生親像行棋，一步錯步步錯。阮老爸嘛定定an-nih講。Hit時我m7-免揹hiah 濟生活上e5壓力，無法度了解chit句話。單純享受行棋，m7知阮老爸行棋時是m7是有體會tioh8 hiah是人生！

今年我歲頭嘛有—ah，回想過去kap老爸行棋。是啦，棋子仔確實是人生。我學會曉退讓，包容，奉獻。Chit 點 ai3感謝阮老爸。

2015/1/4