大屯山大地動

核四電廠準備動，

大屯山區搖憨人。

政府官員咧眠夢，

講這一切無輕重。

明早日頭閣位東，

時間一久就放空。

向望日子好輕鬆，

求神拜佛茫茫茫。

建設工程來創空，

阿沙不魯屎尿工。

毋知何時大地動，
鴨卵較峇嘛有縫。

今年敢是好年冬?

青春男女揣某翁，

等待彼日開心窗。

雄雄驚醒雪中紅！

註：

屎尿工 引自「放尿攪沙是歇後語，袂做堆的意思」

鴨蛋再密也有縫 /  鴨卵較峇嘛有縫。