阿財乞食歌

<<阿財乞食歌>>

1.          各位國親聽我講，透早出門莫趕狂，平時毋通定激gong7，做人講話莫彭風。

2.          Che e5話頭tioh8 ai3 信，chit 件代誌是有真，毋是我來烏白品，耐心聽我講原因。

3.          厝邊阿龍定怨嘆，逐工趕車欲上班，啥知阿財定來亂，若是看伊to7 會chhan。

4.          阿財是狗我來飼，看著阿龍笑咪咪，不時ka7吠koh創治，害伊上班無準時。

5.          若是無飼伊早起，tioh會綴伊攏袂離，欲ka7趕走真費氣，浪費時間到暗暝。

6.          彼工阿財soah leh chhio，看見阿龍尾a2搖，親像有代欲ka7 叫，阿龍無閒欲走標。

7.          機車硬chhui 7予伊jiok，soah hong5 liah8 去警察局，一時大意無chim-chiok，超速罰單袂kai俗。

8.          阿財袂輸討物件，na7跳na7叫大 細聲，毋知到底欲創啥，狗話無人會曉聽。

9.          阿龍上班to7 袂赴，狂緊kha予伊上司，解釋實情拖真久，頭家個性有影lu5。

10.      規氣請假來khiu9-khe，chit 隻gong7 狗誠gia5-枷，毋知欠伊有goa7濟，害我今日hiah連回。

11.      啥知轉去一 e7看，規棟販厝火燒山，生命險險去一半，家伙攏總袂赴搬。

12.      彭風阿龍chit8聲害，貸款欲納哭悲哀，平時激khong錢gau5開，趁錢攏去買藥材。

13.      透早出門leh phah拚，薪水goa7濟講hong5聽，若欲ka7借攏無影，ka-ta講話上大聲。

14.      燒氣無關幾na7擺，狗鼻早to7已經知，可惜阿龍戇大呆，毋知恩人是阿財。

15.      咱人聽好來了解，一切攏是天安排，毋通怨嘆kap無奈，美滿人生做風颱。

16.      朋友你tio 聽我勸，插頭ai剝chiah出門，神狗阿龍誠gau算，早頓ai食牛肉湯。

17.      狗仔嘛是ai食飯，做人毋通hiah凍霜，定定陪伊外口耍，人生chiah 會khah久長。

Ps：感謝阿財過去e陪伴，我寫一pho歌仔來紀念伊。

2015/12/8