食圓仔歌/高雄-大樹/阿丁先唱 / Pháiⁿ-gín-á筆錄

食圓仔歌/高雄-大樹/阿丁先唱 / Pháiⁿ-gín-á筆錄 ( 網路chhōe 無詞，ka-tī bóng tàu。我耳空有leh phah-piàⁿ thiaⁿ ah！尾後2 pha 無siáⁿ了解。chiah 拜託指教。) 

(( 周定邦兄有修改 ps 我無完全改，尾--á 2 pha 潘科元老師mā指教。有興趣ê人，koh  tàu  khòaⁿ--chi̍t-ē。 阿凱mā改siōng chē。 )

=====================

Hoⁿ-o͘h，kin-á馬公子beh chhōa 祝姑娘，haⁿh。( Hioh oh)

親chiâⁿ五十，朋友四十，人客百二，你知m̄?

Ta̍k-kê lóng kā恭喜kap賀喜neh。

Chit-má tō ài先phû chi̍t-kóa圓á請人客 eh--leh (tio̍h--lah。)

圓á kā thūn 地基--lah，a thūn- thūn-eh o͘h

Nā 飽hoⁿh，lán酒菜來食ho͘h tō khah sè-jī hâⁿ

Lín ta̍k-gê-- ah，（haⁿh）準備phû圓á，（phû圓á）請人客--o̍͘h。( 食圓á o͘h )

圓á phû leh khat lo̍h 桶

Boeh食 ê 人 tiō 來phâng

厝邊頭尾是tàu-saⁿ-kang

食圓á sǹg來kui萬人

Kng-kiō--ê食圓 siōng phah-piàⁿ

Sǹg來phah鼓--ê食siōng iâⁿ

e-e-tīn-tīn beh hông 請

Iā有朋友kap 親chiâⁿ

Phû-ke食圓食siōng chōe

第jī ê gâu食pûn 鼓吹

O͘h！第三phah鼓食siāng chōe

Koh是5 分鐘久piàⁿ saⁿ-hôe

É-káu食圓 koh òⁿ-òⁿ-叫

Pái-kha 食圓 chha̍k-chha̍k-iô

圓á湯chi̍t--ē-á燒大聲叫

Chit leh死人圓á phû kah 軟siô-siô

Eh！老hòe-á食圓ku̍t-liu-liu

圓á黏chi̍t-ē tiàm chhùi-chhiu

O͘h！趕緊雙手ē-hâi 直直giú

Giú kah ē-hâi 白liu-liu

Chi̍t ê 老花á soah bô chhiu

Khih-chhùi--ê食圓bē-hiáu pûn

圓-á phâng來kui粒直直吞

Kéⁿ chi̍t-ē tiàm àm-kún

大khùi tit-tiap pûn

Kéⁿ kah 目chiu bē轉lûn

尾手--ê，食圓--ê bē-hiáu thiⁿ

Chi̍t-碗圓á té beh kui sì-nî

用食--ê坐來óa來，kàn-lín-ní，sái-lín-chí

Bē-hiáu thiⁿ，食boeh 死

Àm-sia̍h-á at斷四五枝    *杓仔

Chi̍t-ê死人圓á koh liâm-thi-thi

ò͘，無kha食圓chiâⁿ gâu cháu

Bóe後，chi̍t-ê é-á-kâu

走kah汗ná流

連té 3 碗頭

Koh 燙chi̍t-ê燒koh 目屎nih-nih-lâu

Ò͘-o͘h！chhiⁿ-mî食圓hiông-phè-phè

Sûi-khì long tio̍h thiāu-ko-chhe

Ò͘！Chi̍t-ê gín-á 去hō͘ chhiⁿ-mî--ē lap--chi̍t-ē

大聲khàu niû-lé，

細聲khàu niû-pē

Chi̍t-ê死無人--ê

放hia爬

Iau-鬼cha-bó beh hông chhoh

Chi̍t-ê gín-á pàng he thô͘-kha ngia̍uh-ngia̍uh-sô

The̍h-khì la̍k ke-ko     * Ke-ko / te-ko? 

Ke-ko me lâi 食chhit-thô

驚-á kap gín-á sioⁿ慢ē té無

Ò͘-o͘h！Ún-ku--ê食圓tâng-kóng phāng

Hiông-hiông piàⁿ tùi去新娘房

Phâng tio̍h chi̍t-kha âng-屎桶

Chi̍t ê siāng bô khang--leh

2015/12/24