2015年11月29日 星期日

上班陷眠歌


< 上班陷眠歌 >

1.          今仔上班極稀奇,頭家無來其阮欺,聽講昨暝身體虛,食tioh中國lap-sap魚。

2.          毋是阮人無情義,He是人講chiah知機,身體愛顧食細,拄著阿共據在伊。

3.          Siauto 會害自己,欲食進前ai注意,莫想媽祖會保庇,平時有唸聖歌詩。

4.          聽人講起心驚驚,烏心食品歹探聽,電視新聞無出聲,2粒腰仔kap伊拚。

5.          緊緊送伊去病院,毋驚欲開偌濟錢,拜託先生先共醫,身軀大筒十偌支。

6.          三更時候tioh驚醒,雄雄chong5過掃帚星,七爺八爺來相見,手枷kha鐐欲來纏。

7.          夭壽險險命收去,醫生提來AED,電kah全身 臭焦味,三魂七魄koh有佇。

8.          橫直閒閒無代誌,來去餐廳看電視,免像平日便所bih,有錢thang領好安居。

9.          本底to leh愛睏面,siang知一時烏暗眩,夢起hong 縛偷割腎,情境有影誠實真。

10.      chiu pehchit tah 害,青狂緊張落下hai5hong人掠包實無奈,無aihe 乖奴才。

11.      頭家好好面頭chhai7,現準幾點知毋知,koh問佇chiah啥治代,啥物因端無路來。

12.      頭家面色極bai看,害阮心頭起畏寒,袂輸身後有siang伴,敢是已經欲出山?

13.      僥倖做che夢中夢,親像地動山也崩,歡歡喜喜挖金空,siang知拄著虎頭蜂。

14.      上班陷眠人人會,無人親像我chiah衰,有影真正khah歹勢,絕對無koh後一回。


2015/11/30



沒有留言:

張貼留言