火車驚魂記

<火車驚魂記>

1.     五點亂鐘仔ti leh吵，透早起床kha koh 麻，洗面lo̍k chhui止chhui焦，青狂出門趕火車。

2.     車箱e人插插插，台灣國親攏gua早，相挨相kheh貼貼貼，物件毋通烏白sa。

3.     隔壁1 e 查gin-a，1 khian 大肚欲做媽，眾人讓位請坐駕，雄雄出chhui ka 人罵。

4.     目chiu ko屎用藥洗，膨肚短命死青盲，今年祖媽十八歲，啥人比我khah美麗。

5.     惹雄惹虎惹tioh赤查某，chit e 袂輸阮阿姑，初一十五欲食素，今日才來行chit途！

6.     小姐肚才毋tioh kham3，若是感tioh to 會慘，講你有身有khah ham3，驚你摔tioh心毋甘。

7.     你是好chhui少年家，拄才激心當笑詼，予你講kah會歹勢，害阮心內彈琵琶。

8.     皮幼聲柔面肉白，將阮心肝迷a迷，咱是有緣來作伙，等下落車來lim茶。

9.     我leh kha手一時軟，kha-chiah 凊汗若結霜，毋知九九合數安怎算，路途若會chiah-nih長。

10.   Hit-lo肚才e空縫，走入1隻lò-kha-báng，鑽來鑽去直直弄，聽伊大聲hoah救人。

11.   大khian腹肚有夠痛，眾人聽kah心驚惶，毋知敢是欲生囝，請問病院ui toh行？

12.   拜託車長緊停車，看覓吊tang5 ia 注射，揣伊貼心做阿爹，予伊khah緊做阿娘。

2015/11/24