無阮 你干會快活？

阮製造氧氣

予你欶氣

阮佮土抓牢咧

予你會凍徛起

阮佮水鎖著土內

予你毋驚無水

阮e樹蔭

予你納涼免曝日

你煞一直排毒氣

你煞一直放毒水

你煞一直給阮刣頭判死刑

大大細細攏毋放過

阮一片一片消失

變成一棟一棟樓仔厝

變成一間一間大樓佮工廠

若是有一雙腳 阮一定慼心離開

無阮 你干會快活？

無阮 你干會寂寞？

無阮 你好額是欲創啥？

無阮 你是欲吃啥？