七字網誌 0610

會當為你來服務，無管落雨抑罩霧，只要你話講一句，歡喜陪你遊島嶼。

ps: 島嶼 的台語 唸 島 sū。

--服務

若有問題招開會，三角討論幾個月，時間開久頭殼花，講無結果閣再會。

~~開會開會愈開愈火。

開會開甲咧冤家，透早死諍到暗暝，心狂火著欲跋硬，拍歹感情敢好勢？

講欲開會攏是假，想空想縫欲抽客(日)，咖啡涼水會記買，算帳著算頭家的。

樹枝孤鳥揣無岫，聲聲句句哮啁啁(háu-chiuh-chiuh)，聽入心內結規球，誰人佮伊有冤仇？

--張藥房

意見若有遮呢濟，規氣去寫一本冊，清楚明白講仔細，過去實證來比例。

--借問目前核電廠兮問題，有嗎？