七字網誌0603

有時失志行無步，揣無啥人訴苦楚，向望先生共阮助，指引一條光明路。
--新思惟上課嘛是一種『算命先』

跋桮(pua̍h-pue)問神感情路，甘是前世將人誤，即世才來為伊苦，紅顏薄情一世孤。
--感情債

阿彌陀佛時常唸，正道思想得悟禪，出入無間( kan)避兇險，居家平安福氣添。
--雖然時常幹政府，有時嘛愛捷唸佛！

官員勾結眾人惱，押入監牢名聲臭，免錢飯店三頓包，錢賺chiat濟甘有效？
--趙滕雄

午時取水啉一喙，身體病痛攏離開，無免ting補食當歸，查埔緣投查某媠。
--午時水

學歷較懸啥路用，搬弄是非顛倒反，做人做事無公正，拍拉涼(phah-la-liâng)話使人凝。

--學歷

服貿風波恐再起，朋友兄弟著細膩，賊府狗官有準備，日頭花開為家已。
--馬下令臨時會全力推動服貿通過