七字網誌 0606

娘仔滿面全豆花，定定痟想有人陪，緣投少年欲佗揣，緊緊出現來相會。

--『媠』姑娘兮心聲

三更半暝咧做愛，喝kah大聲人通知，全家毋睏不應該，隔日千萬莫閣來。

--情色

年過四十一支喙，毋願照鏡看肚肥，過去飄撇灌人醉，現今覕床偷吐喟。 

---年過四十

莊家出漚招，阿吉跋輸筊，，in某欲起痟，全家走了了。

--跋筊

若是對伊有意愛，絕對毋通藏心內，信心十足展內才，溫柔體貼予伊知。
時到緣份家己來，兩人伴手走天涯，任何問題來化解，美麗人生好精彩。

--大聲講出心內話