2024年1月14日 星期日
自由廣場》台灣民主的十字路口 ( 退稿)
2024年1月13日 星期六
看見未來，好景難在，胡亂選擇，未來難得 (退稿)
2024年1月12日 星期五
台灣民主的另一道堅固防線 ( 退稿 )
2023年12月5日 星期二
期待下一次學運？
期待下一次學運？
◎ 杜信龍
國民黨和民眾黨，一個是桌頭，一個是童乩。他們使用稻草人策略，企圖打擊民進黨，影響選民的觀感和判斷。若選民缺乏足夠的判斷力和對意識形態的敏感，台灣民主或將踏上下坡之路。
正如〈真正的戰場在立法院！〉一文所述，國民黨和民眾黨的不分區名單已經出爐，這是一場競技場上的拉鋸戰。根據過去的資料統計，預估國民黨有約12席，民眾黨有7席，而民進黨約有12席。再加上區域立委，民進黨是否能維持過半？這是一個令人關注的問題。
然而，黃國昌和柯文哲，曾是318學運的政治明星，如今卻與國民黨合流，與黑道人物結盟，背離了當初年輕學子的訴求，甚至宣揚「二岸一家親」的言論。如果不幸國眾兩黨取得立法院過半席次，韓國瑜有望成為立法院院長，可能排除對台灣國防的審查案，以及任何可能損害台灣經濟的提案。這可能使台灣處於更加弱勢的地位，在中共的野心下，我們自己主動放棄了保衛的努力。
在此，我們設想若此一劇本發生，那時我們的社會能量有可能讓我們再發動一次學運？那些親中賣台的買辦會輕易讓步？如果我們再次面臨台灣價值受到威脅的時刻，我們是否還有勇氣和毅力，堅守我們的理念，捍衛台灣的未來？
筆者大膽想像這劇本也早被政客盤算過了吧，若非，也相去不遠了！
自由廣場》真正的戰場在立法院！
明年選舉，韓國瑜確定成為國民黨不分區立委的第一名，順利進入立法院，這將對台灣的民主構成嚴重挑戰。回顧過去，罷免韓國瑜的過程中，基進黨的積極參與，對罷免的成功發揮了關鍵作用。未來，立法院內若缺乏基進黨的參與，即使民進黨取得過半，也可能帶來令人擔憂的後果。
韓國瑜過去的表現引起爭議，風格和言論引起社會不安。他再次嶄露頭角，極可能又是一場民主災難。他進入立法院，可能造成政治環境更趨極端化，讓對話和協商變得更困難，勢必影響台灣的治理穩定，以及國際社會對台灣民主的觀感。
基進黨過去證明了它在民主進程的重要性，為台灣本土在野、轉型正義和國安議題發聲。未來若缺乏他們的參與，可能將失去一個平衡力量，使台灣民主更脆弱。
國民黨阻撓台灣加強軍備以應對中共的威脅，包括力阻自製潛艦和相應預算。這使我想到，韓國瑜甚至是馬文君的加強版。面對中共侵擾台灣，我們不能忽視被削弱防禦能力、被蒐集軍情的風險，尤其是在不肖軍士官充當內應之下，後果不堪想像。
我們迫切需要一個更堅定的本土在野力量，目前的政治光譜，是藍白打綠的二打一局面，藍白總統候選人的鬧劇不應掩蓋真正的戰場。根據民調，基進政黨票已接近5%門檻，極有機會入陣立法院，形成更好的抗衡，加強民進黨的反脆弱。
再次行動呼籲：選擇支持具有本土在野力量的候選人，以建立更為強大的國會聲音，捍衛台灣的獨立、主權和安全，以維護台灣民主的長遠穩定。
2023年9月29日 星期五
心得--《蒙格之道》
這本冊主要是2014到2022的股東會談話
老實講，無咱心肝想--ê有較濟「教育」。
當然大部份liù kah袂當koh liù ê老人話，少人會做足十全。
親像，**耐心等待，延遲享樂，降低期望值，予復利效應較久長--leh，是毋是會當活較久leh掠外，家己ê心理，自律攏愛有一定的修練。
這部份，已經有袂少冊有講著--ah。
有另一部份，蒙格有隱隱仔講著，伊的好額袂少是運氣。活了久，忍會牢，機會來ê時，掠予牢。「濟濟人按呢拍拚，猶原是普通人，就是現實。」，所致，降低期待，粒積好的成果，若活了久，凡勢有一寡袂bái ê成績。
按怎看清是機會，這koh牽涉著人ê才調ah。這才調是學校少leh教--ê，靠經驗、靠自我學習。這mā是「能力圈」。Gâu人真清楚家己幾兩重，啥物會做--得，啥物袂做，風險大細家己有一支尺測度，親像忍受50% ê損失。
內底上kài好一建議我想是針對「結婚對象」。講是人生上大ê投資，這百面無人會反對。
做生意誠實，做著ê代誌，繼續做著ê代誌。這是蒙格直直講--ê。
總是，佇投資中國方面，soah真oh看伊對中國無老實有啥意見。
佇中國侵佔別人ê智慧財權，伊顛倒講過去逐家攏án-ne，講伊無研究。袂輸看著中國就變é-káu。
認定中國有大市場，盡說中國好話，但不民主ê部份soah直直o-ló，講中國免言論自由mā會使刺激經濟。
這講法凡勢會使用得彼時中國ê時代背景，總--是，今，敢講會通？
抑是蒙格感覺中國人民無需要，是臭賤--ê。
對伊ê回答，伊講：「我完全無致意無平等。」
這句話以咱人來講敢是「著--ê」 ？
無，巴菲特，比爾蓋茲是按呢欲做慈善？
伊koh講：「愛學習佮中國做朋友，佮無全體制的國家好鬥陣。」
問著烏克蘭hŏng露西亞入侵，講無啥見解，講雙方攏有核武。
較拜託leh，早佇1994年，烏克蘭早to同意銷毀核武，koh加入《不擴散核武器條約》。
蒙格做一个投資人，有影gâu閃議題，這mā是伊認為著ê代誌。
確實，活khah chiah濟歲，hiah-nī成功ê投資人，講ê話人人信tauh-tauh。
就是按呢，阮感覺無爽快，不安。
啥是做「著」ê代誌？套伊家己ê話「有寡代誌咱掠準講咱知，實際上咱攏毋知。」
這心得，毋是tiau-kang掠話骨，去khau-sé一个老人。
阮毋是歧視好額人，毋是tu̍h-lān人好額。
是講伊一句話攏是khōng金khōng銀khōng璇石。
講彼中國一定強ê話，實在袂予人孝孤--得。
全資本主義，完全商人心態這若無佇民主體制內，敢有可能成功？
約翰．伯格捌講真感謝伊出世佇美國。我想蒙格若信輪迴，應該愛知出世佇中國ê機率真懸才著。
這點，定著無佇伊ê風險評估內。
緊去買別个國家ê石油，家己ê先莫開採。一个會反對開筊間ê人，怎會去認同一个獨裁ê國家？
我想蒙格有一般人ê問題，「別人囡仔死袂了」。
是講，這是股東會言論，銅sián味定著ài臭！
2023年8月31日 星期四
心得 - 《牧羊人讀書筆記》
向高手學習，借伊的眼界修正家己思考ê破拍。
這是咱讀這本冊上大的感想。
阮的讀冊範圍佮一般人比算是有較大，總--是，佮作者來比ná鼻屎大niā-niā。
厝內有幾本真有名ê冊，《西方憑什麼》、《槍砲、病菌與鋼鐵》、《自由的窄廊》…甚至chia作者的其它冊咱mā捌讀過。總--是，工夫無到作者有chiah厲害的見解。
欲像作者按呢，阮的智商上無愛有伊平方才會用--tit。
閣像伊所講讀冊會使予家己成長，總--是ah，恐驚mā是佇一條e̍h-chiⁿ-chiⁿ ê摸奶巷內nǹg-chǹg、kún-lèng。
阮mā向望未來免閣開袂傷時間佇理財、個人工課場頂ê技巧，甚至是煩惱政治，煩惱選舉選毋著人。
按呢阮就通開較濟時間佇人文方面，就親像這冊第一部份所講ê通識素養。
第一部份掠外，內底講袂少國際、經濟佮政治，尤其是佮中國相關。
這阮真有感覺今年讀過《晶片戰爭》、《紅色賭盤》。
位WTO結構、2008年經濟崩盤、、美中貿易戰之間的局勢，中國一帶一路ê心機分析了真好，阮mā完全認同。
阮ê業務自佇鴻海上班就真理解這中國愛抄人物件，啥物偷--ê上緊，這是文化，欲改變是真oh。冊內所講著wimax，阮正正是國內第一批人接ODM業務—ê，彼當時，拄著經濟崩盤，全世界急欲有一个殺手級ê產品到市場刺激經濟，無待LTE規格定落來，就衝leh行。落尾，mā是死。
LTE出來後，手機仔硬體mā愈來愈好，後來網路效應才愈來愈顯明，價值膨漲緊，人人才趕欲搶市場。
這後來演變做晶片戰爭，中美貿易戰，資訊戰…等等的頭前戲。
當然，阮可能過頭簡省，阮無欲出論文騙點數。
總—是，一路行過來，阮的經驗就是毋通佮中國kap作伙。
正常人是袂放棄的民主。講咱是仝「民族」，拜仝「媽祖」，這攏是情緒、白chiáⁿ無味ê笑詼話，毋值去議論。
Koh講一件代誌，阮佇目前ê公司已經10冬外。早期佇某部門做的晶片有九成的客戶是華為，後來，阮看pān-sè無啥tùi-tâng，就佇2018年10月轉組。
這毋是阮gâu，是求生存ê反射動作。
晶片有後門。美國免人提醒。
你若去讀《競合策略》，冊內就有舉日本用安全晶片鎖牢有認證的卡帶，成功阻止競爭者。Mā利用安全晶片，去判斷人客較佮意佗一種方案，成功搶生意。
WTO無功用，中國做生意閣袂信用--tit，koh想欲做大老。一帶一路四界欲佔人地、搶人水。欲行向太平洋，南海著先愛過第一島鏈。
這是咱台灣的好地理？歹八字？
閱讀是備戰ê必要條件。
咱防衛式民主ê認知、法條閣無夠利。親像「外國人代理法」，無法度有效驚走一寡saⁿ-kha-á。資訊安全部份，竟然無去針對中國，一个欲共台灣拆食落腹ê國家！
甚至咱ê思維批判mā無夠。
像郭台銘講伊做總統GDP變雙倍，是按怎鴻海ê股價攏是死豬仔價？
中美貿易ê因端濟濟台商毋是轉來台灣，無，就是去東南亞。
2005年許文龍hō͘中國逼，一寡高階幹部hŏng掠，伊才公開主張兩岸一家親，o-ló反分裂國家法。
2009年群創併購奇美電。阮會記阮部門大頭家引郭台銘ê話，「許文龍kan-taⁿ ē-hiáng釣魚佮giú bâi-óo-lín。」
這講起來真諷刺。
郭台銘ê人文素養不如許文龍。
講著林志鈴ê優雅，伊出喙就叫人穿較少--leh。
這讀冊心得毋是tiau-kang oat來講這人品。是leh想咱當時才會使有較正常ê候選人，咱會當好好仔思考解決問題ê方法佮方向。
行向「彼岸」。
以上