Siáng ê語言沙文意識？
言論自由ê好處tō是hōo咱互相理解，重新思考、反省行向koh-khah平等ê社會kap國家。有時咱leh講咱ê訴求時，有時急心性，suah失判斷，甚至為個人ê利益á是權勢來反對，tse終其尾lóng會hőng看破kha手。當然，你有你ê言論自由，咱人tiānn-tio̍h拚死mā會sio-thinn。總--是，有時he皂烏漆白ê言論，tì帽á ê指控kap污辱，咱人mā是愛維護咱ê清白kap尊嚴。
語言平等已經吵tsiânn久ah，tsit幾冬sui-bóng有tām-po̍h-á進步，不而過，慢牛拖火車，咱真驚母語20冬內tō khiau--khì。 Siōng害ê是咱ê政府官員ê態度kap民眾ê無知。佇自由廣場《福佬沙豬林德福》tsit篇文章leh維護佇國會ē-tàng使用客語ê權力，tse是使人尊敬，總--是，作者suah講去是「福佬沙文主義」。Tse有影是hőng sa無niau-á-mn̂g。第一，林福德是要求客委會主委李永得使用「華語」，m̄是台語，是án-tsuánn牽去「台語族群」ê 罪罫leh？Tse m̄-nā是tiau-kang欲khia台語人ê khang koh是欲製造台灣母語族群ê權力鬥爭，iân-tshiân咱追求母語平等。第二，佇文中ē-tàng看tio̍h作者真了解台灣母語受中國國民黨ê迫害，huah講愛尊重多元，「尊重差異，保障弱勢」，suah kā「華語」長期以來ê霸權tènn做無看。Tse kám m̄是真奇怪？Tse mā thang理解目前多數人誤解tse濟濟歷史，腹內華語毒素無清tshing-khì。家己認為是leh tshui-sak母語，suah m̄敢正面面對真正ê「兇手」。
欲講「沙文主義」，愛思考ê是目前是siánn-mih人掌權？目前語言教育佔siōng濟時間ê敢m̄是「華語」？Kàu-tann 咱hām欲爭取台語電視台to lóng hiah 坎坷ah，hô-hòng目前kan-tann有客家委員會kap原住民委員會，kám有台語委員會？Tse濟濟證據lóng是證明台語族群是目前siōng無「平等」ê，hit位「大俠」先生tsit款明顯違反邏輯ê言論，phah-sǹg是為am-khàm「華語殖民」ê真相，koh替人背書，tsit款put-ta̍p-put-tshit ê言論，讀者thang理解咱母語復振ê路koh真遠。
2017/11/14
言論自由ê好處tō是hōo咱互相理解，重新思考、反省行向koh-khah平等ê社會kap國家。有時咱leh講咱ê訴求時，有時急心性，suah失判斷，甚至為個人ê利益á是權勢來反對，tse終其尾lóng會hőng看破kha手。當然，你有你ê言論自由，咱人tiānn-tio̍h拚死mā會sio-thinn。總--是，有時he皂烏漆白ê言論，tì帽á ê指控kap污辱，咱人mā是愛維護咱ê清白kap尊嚴。
語言平等已經吵tsiânn久ah，tsit幾冬sui-bóng有tām-po̍h-á進步，不而過，慢牛拖火車，咱真驚母語20冬內tō khiau--khì。 Siōng害ê是咱ê政府官員ê態度kap民眾ê無知。佇自由廣場《福佬沙豬林德福》tsit篇文章leh維護佇國會ē-tàng使用客語ê權力，tse是使人尊敬，總--是，作者suah講去是「福佬沙文主義」。Tse有影是hőng sa無niau-á-mn̂g。第一，林福德是要求客委會主委李永得使用「華語」，m̄是台語，是án-tsuánn牽去「台語族群」ê 罪罫leh？Tse m̄-nā是tiau-kang欲khia台語人ê khang koh是欲製造台灣母語族群ê權力鬥爭，iân-tshiân咱追求母語平等。第二，佇文中ē-tàng看tio̍h作者真了解台灣母語受中國國民黨ê迫害，huah講愛尊重多元，「尊重差異，保障弱勢」，suah kā「華語」長期以來ê霸權tènn做無看。Tse kám m̄是真奇怪？Tse mā thang理解目前多數人誤解tse濟濟歷史，腹內華語毒素無清tshing-khì。家己認為是leh tshui-sak母語，suah m̄敢正面面對真正ê「兇手」。
欲講「沙文主義」，愛思考ê是目前是siánn-mih人掌權？目前語言教育佔siōng濟時間ê敢m̄是「華語」？Kàu-tann 咱hām欲爭取台語電視台to lóng hiah 坎坷ah，hô-hòng目前kan-tann有客家委員會kap原住民委員會，kám有台語委員會？Tse濟濟證據lóng是證明台語族群是目前siōng無「平等」ê，hit位「大俠」先生tsit款明顯違反邏輯ê言論，phah-sǹg是為am-khàm「華語殖民」ê真相，koh替人背書，tsit款put-ta̍p-put-tshit ê言論，讀者thang理解咱母語復振ê路koh真遠。
2017/11/14
沒有留言:
張貼留言