無良教育歌

(隨手寫/用手chhèng-chhài）(敢會唱--chi̍t？）

南北二路好朋友，嚨喉大聲共lín hiu，敢有聽見人hoah救，hit陣學生面憂憂。

2015/8/11

殖民洗腦教育部，毋做好人欲做奴，是非顛倒刁意故，講來講去為前途。

khah教攏是中國屎，祖先叫啥伊安排，黨國政府若無敗，囝孫準備做奴才。

你我公媽隨人祀，毋通牽對咱chia來，一邊一國無治代，歷史證據通人知。部長惡質硬欲sak，叫咱囝孫tō ài讀，思想控制無頭khak，雙手雙kha lóng總縛。
2015/8/7
He是人民e靠岸，到今看kah真畏寒，kha尾手冷phi̍h-phi̍h-chhuah，是欲按怎來反盤？
記者嘛hong5掠起來，實情毋敢hoo人知，賊仔政府性袂改，拆食落腹伊上愛。
民主自由假若屎，叫咱乖乖做奴才，委屈冤枉khng3腹內，思想改造才應該。
影片傳到佇網路，咱e學生攏食塗，看是按怎來讚助，向望政府天to烏。
網路頂懸來討論，相招教部來出巡，守護學生毋甘睏，為咱台灣好囝孫。
王a曉波真哭爸，講是意識e問題，牽拖阿婆油炸粿(iû-tsia̍h-kué)，袂輸siau狗吹狗螺。
伊E心肝有夠硬，台灣to愛做阿西，欲姦欲拍koh欲提，世界無人chiah連回。
政客lau-a gau算計，吳a思華死人皮，管lin按怎kiau kap le，猶原逐工好睏暝。
學生代表林冠華，青春少年用命puah8，欲將烏箱貢hoo破，犧牲家己受拖磨。
若是koh有一口氣，堅持原則有是非，通人聽kah心齊碎，想欲作伙伴相隨。
無恥政客真奸鬼，白紙too烏講食虧，一支喙舌直直屁，當作學生大kong 槌。
冠華anne作伊去，通人掠狂哮袂離，激烈抗爭隨時起，大人囝a攏知機。

虛情假仙賊頭面，tiang伊袂爽轉目仁，予人掠包無承認，sià-sì-sià-chèng 人看輕。

學生無奈唱悲歌，部長au ban若鱸鰻，啥人害in外口蹛，婊囝叫做吳思華。

學生理路有影好，思華知影chhoah屎膏，毋敢會議驚會倒，串揣阿九lōa-lōa-sô。

2015/8/5

飼你袂輸食了米，阿九吩咐ài堅持，升官名單攏有你，放心亂改免僥疑。

學生堅持無欲散，要求委員ê名單，歷史真相攏總換，思想改造會畏寒。

名單機密有限制，若是公開有問題，毋管按怎共伊罵，攏是絕招假蠻皮。

冊本kan-taⁿ改幾字，絕對毋是kā人欺，毋管啥人無滿意，多謝指教莫插伊。

會熱袂熱差1字，意思無仝著知機，欺騙社會若放屁，這款道理世界奇。

面皮厚厚擋誠久，奸鬼手段老師父，問伊siáⁿ-mi̍h烏白舞，講話跳計直直驢。

王á曉波做主委，支那pùn-sò͘ 攪規堆，siáu狗看人tō kâng 吠，學生聽了四淋垂。

2015/8/6

叫lán tiām-tiām攏莫吵，支那歷史加減ka，管lín袂爽怎樣罵，堅心繼續扶lān-pha。

專業袂合無干礙，一切作in去主裁，講是逐家中國派，台灣歷史毋免知。

乞食兵á歹作伙，thài-ko lap-sap愛烏西，思想改造欲統制，禁止母語第1 ê。

光復名義佔人地，二八事件chiâⁿ連回，死萬偌人夭壽濟，掩蓋事實無講che。

Chit種代誌攏無寫，佔人家伙做大爺，法院in開保狗命，眾人kā chhoh姦伊娘。

講到彼暗ê情勢，衝入教部無幾ê，要求新本tō ài退，毒害囝孫出問題。

規ê過程thang公開，毋通siáu想濫糝來，橫霸獨裁一定敗，臭賤àu步人人知。

Siáⁿ知警察無是非，袂輸親像tú著鬼，看見學生直直thui，台灣囝á真克虧。

學生理性攏真乖，警察心肝有影橫，硬拖硬làm腫uainn-uainn，攏總掠去籠仔關。

2015/8/10

學校教官來關心，其實心肝若烏熊，威脅監視tō ài忍，意志消磨大海沉。

老師恬恬分隔界 白色恐怖閣再來，目屎干焦吐腹內，相攬相抱聲聲哀。

向時烏道koh來亂，社會議論攏共漩，精牲白狗毋是款，咱ê國家叫台灣。

歌á暫時寫幾逝，koh唸a̍h是bô-ta-ôa，毋願結果來講破，看見學生受折磨。

2015/8/11