Bông-bông-biáu-biáu

<< Bông-bông-biáu-biáu>>

Che sī lán tī Lâm-á-khe捷運站hip--ê, 時間是beh 五點lán下點時chūn。對面是中油煉油場，chit幾工無leh運作khoán，koh ka chāi bô中國來ê霾害，南北大武ē-sái 看hō͘清楚。

Che m̄-sī lán só͘ ǹg-bāng--ê.最近空氣品質問題，jú-lâi-jú受社會來重視，關心ka-tī ê生活環境，che sī hó-sū, m̄-koh, kám ē-hù？實在是煩惱—ah。總—是，有1 ê開始。食品安全問題mā jú燒jú大，法律bô khiā tī 人民chit pêng。連工廠排放廢水mā是，樹á烏白亂chhò，koh免講馬英九chit幾工sio-liân-sòa chò出危害台灣ê tāi-chì。

Láng 看遠遠—khì, 北大武ū lán sè-hàn sî kap chû ê lâng chò-hóe chhut-iû ê kì-tî. Múi chit pái khòaⁿ-kìⁿ long ū kóng bōe chhut-lâi ê kám-kak, ū tiⁿ ah ū sng. Tī Lâm-á-khe tán chhia sî  ba̍k-kng chóng-sīē cháu-chhōe i ê iáⁿ-chiah, 當然，i bōe phah bô khì, kan-taⁿ ē hō͘ lap-sap-mih-á am-khàm niā-niā, che sī lán só͘ kóng ê “Z大於B(利大於弊”，chiâⁿ可怕ê價值觀。Lán jû-hô hō͘ kiáⁿ-sun chit ê未來？

Chit種看bô thâu-chêng, bông-bông-biáu-biáu ê 未來，m̄-chai tang-sî chiah ē hó？Ūkhah ché Tâi-oân lâng ē-sái ì-sek tio̍h 身為 1 ê lâng ê尊嚴，尊重環境，尊重民主kap自由。

2015/3/31

*Chit開始hō-chò sī 大小岡山，後來ū lâng 指正是南北大武，見笑--lah。