半暝khau鐘聲

<半暝khau鐘聲>

Pòaⁿ mê khí-lâi

Chún kóng sī thiⁿ kng ah

Gōa-kok kôaⁿ--lâng peh-ji̍t khah té

Lâi chò-kheh ê góa sa-bô-cháng

Sin-thé iû-goân tòe Tâi-oân sî-cheng leh kiâⁿ

Nā thiⁿ-kng sī án-chóaⁿ bô ji̍t-thâu？

Thang gōa koh àm-sàm àm-sàm

Lán Hú-siâⁿ ê ji̍t-thâu bô--khì

Chûn-á tī hōaⁿ-piⁿ hioh-thiám

M̄-chai chit-sî kám ū leh tō͘--lâng

Cháu khì chhōe piah-tó hit lia̍p sî-cheng tùi-chí

Soah hām i mā hoah sim-būn m̄-goān koh-chài cháu-chông

Kap góa hoah pha-la-khián

Kóng su--ê lâng ài kā sî-kan thò͘--chhut-lâi

Góa soah kám-kak ài chhiò

Bōe-su góa chián-kiáu

Jîn-seng kám sī góa leh chò-chng！

Gún 2 lâng hiông-hiông thiaⁿ-tio̍h kàu-tn̂g thoân lâi ê khau-cheng-siaⁿ

Chûn-á ian-jín siaⁿ chò-hóe ha̍p-chàu

Kiò gún kè-siok tńg-khì tîm-bîn

Khùn chhíⁿ ê sî lán tō kàu-ui ah

2016/11/7