佇綠洲山莊前

火燒ê暗眠之一

透早起床，可能閣咧陷眠

Tsit ê 所在毋捌看過，誠生份

壓迫ê空間使人不安，驚惶

Tsit ê 所在，日頭較熱情，袂輸驚阮寒著

漚臭ê空氣，iā有伊ê溫度

有死亡ê味，鑽入腦神經，袂輸佇地獄

揣無出口逃脫

大聲叫，tse一定是夢

Tsit ê 所在規矩有較濟

規矩是在 in 喝--ē

若是無聽話，一頓粗飽就隨來

叫阮愛認份，聽in安排

講阮ê心理思想佮in無仝，愛來重新改造

中華民國佇台灣，台灣是中華民國ê地名…

親像乞丐煞來趕廟公，安怎講攏袂通

敢是夢中咧陷眠，夢為何hiah 呢深

主事者有影粗殘

強逼阮摃lóo-kóo-tsio̍h，打造家己ê籠仔

束縛自由ê靈魂，窒斷阮ê翼股

海波浪親像送來母親ê思念

一湧瀳過一湧

 飛烏是毋是會使了解，無顧千里，替阮傳話

大力摃佇lóo-kóo-tsio̍h頂，親像阮對厝內某囝e心痛

一聲一聲，鑿( tsha̍k)入心槽

我佇字批偷藏有鹹度ê目屎

敢有法度走私過海予你

tse敢是一場惡夢

2014 / 9 / 30

生日快樂

<<生日快樂>>

阮毋知人生有偌長
敢會使要求，佮天公伯喝價
身為一ê人，生佇世間有啥向望

行佇五月火燒ê鳳凰木跤
明年無知影閣有機會看伊ê妖嬌
阿勃勒落ê黃金雨
敢會為我舖排佇行轉去故鄉ｅ路

設定好ê鬧鐘仔逐工準時提醒生命ê消失
煞毋知影終點ê時
敢講生死簿無人讀過

2014/9/24

問題真的是在管理？

圖來源 ;  By Roger 法雅客第9屆城市24小時馬拉松數位攝影比賽實記

柯文哲醫師的第四個新政『 道路統一挖補』，是為了解決路平的問題。其風格果然是柯p式的自戀，『笨蛋，問題在管理』！一句話似乎解救了台北市市民的惡夢，應該說是全台灣人民的惡夢。

 

管理往往是個華麗的詞，卻又是模糊，有說等於沒有說，有講沒有懂。想必柯p在葉克膜團隊及急診後送病房管理上的成績是讓人稱許的，但市政管理可以像影片2分21秒那麼說的容易嗎？

 

先把問題扯到錢，柯p針對郝龍斌5年花110億的路平專業批評。姚文智也質疑「錢從哪裡來？」。柯p以過去阿扁的例子說擠出100憶沒那麼難，且提出參與式預算的概念。我想公開是好的，解決了浮報開銷全民買單的弊案。但主要的是期待政府能有所為，而不是完全期待全民參與，搞到最後還是公民好忙。

 

『統一挖補，預埋管溝』，這八字應是此新政主要闡述的管理核心，光這八字就可以做到日本那樣的路平品質嗎？過去沒有人想過嗎？為什麼做不到？是不是還有其它問題？還是真的只有單純的挖挖補補的問題？還是有背後的利益？品質控管呢？

 

這八字柯p是這樣解釋的，『讓所有單位統一登記，要挖的時候由工務局統一發包施作，並且預埋管線溝，減少以後再挖掘的機會。非計畫性的挖補，需要專案到副市長批准才行。』所有單位是指，自來水，台電，電信網路業者，有線電視業者，天燃氣業者，社區管線，甚至是石化油管…要統整就是一大問題，其中包含了國營事業機構及民營機構，要向誰來登記？說清楚。開挖申請是已經存在的了。這應該不是柯某人的才能想出的玩意。查一下工務局道路挖掘資訊平台，就可以知道了。最近還有一則新聞因業者未經申請即擅自啟閉孔蓋，將依《北市道路挖掘管理自治條例》開罰3萬元。而所謂『統一挖補』，其實現有的路平專案的第一階段就有『計畫更新路段事先協調管線單位，先行辦理道路底下老舊管路汰換』，並不是新的構想。新不新穎不是重點，重點是柯p要如何做到比現任市長好？

 

其中以後工務局統一發包，發包的廠商品質是否要進一步的提升，有無偷工減料，還有整個驗收的過程是不是要檢討？影片中柯p也提到了廠商的心態，想說很快就要來挖了，就隨隨便便完成工作，統一發包前，廠商的招標應該也要好好的檢驗，若沒有達到一定的品質，就必須負責到底，相對的監督機制是要的。建議柯p下次再拍此新政廣告時改成觀察如何路平施工及比對一下日本的做法(Google影片就有了)。

統一登記，這本來就是要依法申請的，沒有申請還要開罰，問題來了，各個單位有申請嗎？有開罰的話，是不是罰不怕，利益大於弊，或許罰錢是小事。以一個新社區，來說以建商來說他一定先把該要埋設的管線想清楚再申請，避免再花做一次工程。大部份的開挖應是屬於品質問題，公共馬路維修，及管線老舊汰換等等，這些應該是造成大量不停的開挖。若進行某工程時，不小心挖到其它的管線卻又不知，埋好了又得開挖，這是資訊的問題，如管線地圖，因為沒有相當對應的資料及計畫，廠商可能拿到了許可，但後面還要再次的重工一次，浪費時間，浪費金錢。以高雄氣爆事故為例，台北市能掌握所有的天燃氣管路嗎？有公開嗎？(美國管線公開地圖檢視網站連結：https://www.npms.phmsa.dot.gov/PublicViewer/)若不行，如何整合其它管線？

 

目前台北市工務局新建工程處網頁有一些郝市長5年花110億的功績，柯p的團隊不彷拿來檢視一下，提出可以如何有效率，如何替市民減少不必要的花費又有品質的道路。

2014/8/30

日頭

<<日頭>>

雨是日頭傷心ê目屎

雲是日頭掩崁心內ê悲傷

風是日頭無依無倚ê哮聲

總是會有日頭光ê一工

不而過，毋通袂記家己愛行出希望

咱總是按呢欺騙家己

毋願承認，甘願閃辟

講日頭是孤單--ē

赤焱焱ê火燒已經燙入深深ê記憶

講需要冷靜

所以叫來一場風雨

來代替咱哮

來代替咱創傷ê過去

碎溶溶(chhùi-iûⁿ-iûⁿ)ê魂魄才會當綴鳳凰飛向日頭

佇每一日貓霧仔光照大地時，

對你講一聲“敖早“

講今仔日猶原是好天

你煞問日頭

若明年即時無雨無雲

風敢會佇耳空邊講一句“保重“

註：921 15週年，鳳凰風颱入侵。

擔起來—予胡長松老師

<<擔起來—予胡長松老師>>

莫痟想掩崁阮母語ê 媠

位阮深深ê嚨喉掠出來

Tháng入阮耳空，鑽入阮ê心

變成深層ê記持

莫痟想用橫霸霸無理ê壓制

將濫糝ê歷史灌入阮ê頭殼內

予阮分袂清東南西北，白日佮暗暝

目睭仁失神無家己

莫痟想用不答不七，烏龍踅道ê體制

逼阮彎腰屈服，講咱是仝母親ê人，就愛來團圓

過去無了解伊粗殘變態

佇二二八，清鄉，白色恐怖十年外ê凌遲

紲落來欲60冬ê舞弄，強暴

敢講猶未當來覺醒，願意予伊看無ê術仔囝

有人大聲喝，大聲喝

到底啥是主人

到底是啥ê城市

到底是啥ê民主

到底是啥ê自由

到底是啥ê國家

一句句大力刺落阮ê心肝

一句句叫回阮消失ê勇氣，力量

佇遠遠ê天馬茶房聽著槍聲      掠狂

佇嘉義看著大畫家毋願磕ê雙目           怨恨

林家三條生命驚惶ê形影    心死

聽著陳文成ê跋落聲        後悔

聽著鄭南榕大聲喝獨立，獨立，佮彼葩燒出阮不可饒赦ê火    清醒

想著柯旗化伊活咧是為台灣獨立ê向望         期待

阮毋願

毋願閣有hiah濟毋願清醒ê人

毋願閣有中支那深毒ê人汙染這片土地

毋願閣再目睭金金一點一滴消失去身為台灣人ê尊嚴

大聲喝出”擔起來”

擔起來對這土地ê責任

擔起對母親ê愛

擔起來未來囝孫ê幸福

擔起來，擔起來，擔起來……

毋管風雨，咱作伙擔起來…hiah是咱下落ê誓言

2014 /9/15

註：參加基進側翼競選總部成立時，胡長松老師唸伊所做ê詩 『擔起來』，一時感動，目屎已經佇目墘轉踅。在此，小弟不才，仝款寫一首”毋成樣” ê台語詩達謝伊ê分享佮對母親台灣ê付出。

現場語音：https://www.facebook.com/video.php?v=857414844277540

火燒百合花-予柯旗化

<<火燒百合花>>

佇日本時代出世

行過錯亂ê時代交接

走閃過二二八烏暗屠殺

煞閃袂過白色ê罩霧

你ê名，印有故鄉彼片土地

In當作是反抗ê天命

無影無跡激起in拗蠻ê死豬仔性，橫霸

將你青春嗽甲慘白

拳頭母不時唯薄板ê身軀招呼

若毋是厝內某囝ê牽掛

那有法度渡過火燒ê日子

若毋是欲見證故鄉山坪頂ê百合花，陪伴風姨舞跳

那有法度忍受thún踏你ê人生

無，是全規家伙人ê人生

細漢查某仔喂你寫ê批信，拆破老母ê不得已ê隱瞞

你心像針咧揻，毋敢哮出聲

無想欲予in閣有出跤出手ê藉口

「台灣一定會獨立，為著迎接這工，所以我才活咧」

17冬籠仔內生活，即句話

為母親，為某囝忍耐，堅持

雖然無法度親自掖種佇子弟教育

一本新英文法，顛倒流傳造福

予偌濟知識份子行出國際

今仔日，有偌濟學生囡仔閣知影你

這段歷史，你所受ê苦難

誰人知，誰人毋甘

你無一句怨嘆煞微微笑

你ê笑容敢是說你已經做完你該做ê代誌

2014 / 9 /12

詩人ê目屎

<<詩人ê目屎>>

今暗聽入你ê毋甘，

目屎佇目墘轉踅，

哮聲無細膩走入我ê耳空覕

沉深ê聲欶佮阮搝(khiú)轉去彼ê烏白日子

看到彼大溝，恬恬ê雨絲沃甲規in身軀ê紅

看起車站前，愛護木枝先ê人，為木枝先ê路舖排

為強欲消失ê歷史痕跡，一字一句為伊來喝聲

重刻佮數念

了解家己ê歷史，是天經地義，天道地道ê義務

煞來變成文學學者ê私人享受

有偌濟人知影你舌尖，是甜，是鹹抑是酸

今暗ê雨毋知影是毋是會佮彼日ê雨相仝

致使我陷入時間ê空縫

等待你筆墨ê解脫

2014 / 9/10

刺查某

圖來源

<<刺查某>>

無人了解

你ê痴迷

磕袂著(kha̍p-buē-tio̍h)講你顧人怨

無捌好好看你ê純情ê花蕊

綿死綿爛(mî-sí-mî-nuā) ê孤戀

想欲陪伴伊一生

伊煞講伊是愛自由ê人

將你ê愛一片一片拔落來

是你無知影表達啥mih是愛

愛甲遮呢刺痛

愛甲遮呢堅定

啥人會了解

無求報答

為愛起痟

為愛纏綴

是你ê無知

無知是初戀ê人定定所犯ê錯誤

初戀ê人ê空思夢想

敢毋是？

多情ê你

最後煞換來一句，刺查某

2014 / 9/8

註：刺查某：鬼針草、咸豐草、大花咸豐草

燃(hiânn)茶

圖來源

<<燃(hiânn)茶>>

將你ê無情作柴箍燃(hiânn)

將阮ê目屎收落茶鈷

看絕望ê烏煙薰死阮ê心

聽孤獨ê聲，悽慘咧哮

無滾水ê溫度

濟年ê緣份已經脫水沉入鈷底，

將阮ê痴情作茶米

這杯茶水並無甘甜

Suah 有tshiàng鼻ê酒味

2014/9/4