母語教育

人是，

母語教育來作底

歷史文化傳香火

伊是，

先生無能誤子弟

囡仔大細拖去賣

參考新聞 

有話要說－讓「台灣話」消失

蜂

                                                  圖來源

儂攏講阮愛叮儂
誰叫你將阮創弄
阮是骨力做戇工
恁是夭壽規碗捧

老吉他

                                                                於大學宿舍 (大一)

老吉他 你佇 tui

即嘛才想著你 真歹勢

過去攬你 四界踅

現此時

思念你e聲 欲佗揣

甘講是阮歹作伙

唱著，思啊，想啊，起啊

想起你e美麗

佇風中痟想你e形體

腦海中浮現出咱演奏偌合齊

過去寂寞陪伴阮規暝

若失敗 予阮鼓勵

如今弦斷 煞來切

聽著你對著好人家

心內一時毋知欲講啥貨

只有永囥置心肝底

彈著美夢毋通醒

 註：

寂寞siok-bo̍k

切tshè  / 分開

還阮歷史課本

歷史課本來竄改

囝孫無根大憨呆

二八事件無人知

死人骨頭扛去埋

殖民統治幾落擺

世世代代狗奴才

別人後生管伊代

畜生無血無目屎

歷史認同為下代
過去發展你愛知
過失錯誤就來改
央望囝孫好將來

參考新聞 

王曉波說：台灣人都是奴才！

聽

聽 風吹e聲

聲聲叫阮行

歇困夠矣　就繼續行

聽　爸母e聲

聲聲疼阮惜命命

無怹 誰人給阮疼

聽 阮e名

是毋是有好名聲

做人實在留好名

聽 家己e心聲

未來茫茫莫青驚

風雨愈大愈愛行

二二八消失的台灣菁英 -湯德章

參考資料

府城律師袂買賣

燒毀名冊為子弟

偝著木牌來遊街

大聲蔣匪大聲罵

公園銃決曝屍體

教示台灣伊作底

誣賴反叛實無罪

大是大非誰人賠

二八風波雖然過

歷史足跡猶底揣

民生圓環來敬禮

自由思想四界飛

註：

偝 āinn / 背

教示kà-sī / 教訓

基隆雨港二二八

圖書

中央大船入港口

機銃亂掃無底走

滿滿屍體填碼頭

揣無翁婿目屎流

價值物件攏搶走

光天白日著賊偷

米布鹽糖隨伊包

咱食蕃薯來止枵

鐵線穿掌做手拷

歪哥收錢來拄數

結果人死曝街頭

不准收屍心肝吼

毋甘再嫁為君留

一手飼囝苦袂了

狗去豬來恨難消

早知封鎖基隆頭

註：吼háu =哮  / 哭泣