某物市長夫人的先生

 

學一下除光中的手路，呵咾市長夫人的痛疼。

某物市長夫人的先生

轟動武林轟動江湖轟動國際轟動外太空

霸佔網路數億的雙目牽引網路數千萬的致意

伊。攏意志掠定風雨爍爁掠伊無奈何

齒模俠的刨洗、潑屎、鄙相的文字擋袂牢伊

輕蚊蚊的身影。親像一尾三文魚

搢水走脫喙水的淹蓋搢水逃閃是非的的錯亂

顛倒追求翁婿的清流清風

毋甘正義會予一張帖仔𪐞烏--去

五點四十分的都合絕對毋是白色的恐怖

冷風嗖嗖叫心肝拕拕痛

歷史上高智商的政治人物立誓

兩岸一家親的向望

葉克膜救濟世間大愛

予人的價值加添紅色的力量

我的心肝，毋捌喬代誌

迥甲光映映，桌仔跤支那草紙

宴請支國官商是基本人情世事

毋通毋通千萬閣欲來抹白抹烏

為啥物按呢就予伊孤一人吹冷風

白賊的約束五點四十分召集翁婿的驕傲

干焦為著祭悼國慶的冤魂

失速的樓梯是小人的創空

像英國腔口的奸鬼

麻霧光的等待瀳風湧

無法度共白賊挕捒

阿母的心肝囝我的翁婿

佇五點四十分輕輕仔來吹冷風

掩蓋啥人的向望啥人的計謀

咱定著予發言人學貼心的學姐

扶扶撐撐翁婿的跤步

伊。一步一步向府裡的路

彼時，五點五十分袂閣吹風沃雨